Конечно! Rockstar Games престана да си поигрува со PC гејмерите и ја најави Grand Theft Auto 5 за PC. Играта конечно ќе биде достапна на PC на 27 јануари 2015 година. Со ова играта ќе биде достапна на PC, само неколку месеци по излегувањето на Xbox One и PlayStation 4 верзијата која е најавена за 18 ноември 2014 година.
Новите верзии за последната генерација на конзоли и PC нема да бидат само порт на веќе достапната верзија. Ќе доаѓаат со нови оружја, возила и активности, дополнителни животни, погуст сообраќај, нов систем за презентирање на дрва и зеленило, подобри ефекти во борбите и временските прилики и уште многу други новитети. Новата верзија ќе биде и со збогатено аудио, па додадени со нови 17 радио станици и над 100 нови песни.
GTA V со самото свое излегување започна да поставува рекорди, и во првите 24-часа заработи 800 милиони долари. За жал мултиплеер компонентата е проследена со контраверзи, на пример минатиот месец најнов тренд беше виртуелно силување на играчите.
[youtube]KvdWxpn9BSI[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
