По една декада откако беше претставена првата SD картичка од 512 мегабајти, SanDisk претстави нова картичка која може да складира 512 гигабајти содржина. SD картичките е популарна флеш меморија која се користи од фотоапаратите, камерите и телефоните, а новата картичка со огромен простор ќе биде наменета пред се за високо-квалитетното 4K видео. Минута на 4K видео – видео со резолуција од 4.000 пиксели – зазема околу 5GB простор. Во картичката која ќе чини околу 800 долари, ќе може да се складира 30 часа стандардно HD видео.
„4К Ultra HD е пример за технологија која не мотивира да креираме нови решенија за складишта кои можат да чуваат масивни фајлови“, вели Динеш Бахал од SanDisk за BBC.
Според г. Бахал, SD картичките во иднина ќе можат да собираат до 2 терабајти, или 2.000 GB простор, што би требало да биде доволно и за 5K видеата кои се најавувани.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
