Популарниот мобилен сајт Phonedog.com го тужи поранешниот вработен Ноа Кравитц бидејќи им украл околу 17.000 Twitter следбеници. Г. Кравитц ја доби тужбата бидејќи го промени корисничкото име на профилот преку кој споделувал компаниски твитови од @Phonedog_Noah во @NoahKravtiz, кој е сега личен профил.
Тој за New York Times рече дека компанијата му дала дозвола да продолжи да го користи профилот и по напуштање на компанијата за која работел четири години како блогер. Договорот бил тој да сподели некој промотивен твит од време на време.
По осум месеци откако г. Кравитц ја напушти компанијата, Phonedog му рече дека сите негови, тогаш 17.000, сега 22.000, следбеници се клиенти на компанијата, и побараа оштета, односно да им се исплати за секој следбеник. Па, колку чини еден твитерџија според Phonedog? Тие бараат 2,5 долари по следбеник за осум месеци, или вкупно 340.000 долари.
Г. Кравитц и Phonedog сега ќе се расправаат на суд, а клучот во случајот, велат експертите, ќе биде одговорот на прашањето зошто го отвориле профилот. Ако го отвориле за Phonedog да собере нови корисници, тогаш тоа е нивен профил.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
