Калифорнија ќе им обезбеди на автономните автомобили простор во кој ќе можат да возат. Ова беше случај и досега, но сега законот е проширен и на: возилата без волан; без педали; но и без човек возач.
Гувернерот Џери Браун објави дека се одбрани реони во кои ќе може да се тестираат возилата. Дополнително брзината во овие зони е ограничена под 60 km/h, а возилото мора да биде осигурано на 5 милиони долари. Ова ќе направи за дел од стартапите тестовите да се надвор од дофат. Сепак Uber, Tesla и Google ќе можат да тестираат, вели Readwrite.
Автономните возила без возач на улиците на Калифорнија ги овозможија неодамнешните промени во законот. Федералната агенција за безбедност на автомобилите и даде отворени раце на автомобилската индустрија за креирање на автономни возила. Единствено цврсто барање е: „Автомобилите мора да бидат безбедни“.
Можеби ова е најдобриот пример зошто Калифорнија е каде што е. Насоките се донесени едвај пред десетина дена, а државата веќе донесе закон кој го прифати напредокот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
