Microsoft Македонија ќе одржи WOWZAPP 2012: Светски Хакатон за Windows кој ќе се одржи во периодот од 9-11 ноември. Преку викендот програмерите во преку 110 локации низ светот, вклучително и во Македонија, ќе работат индивидуално и во тимови за да креираат апликации достапни во Windows Продавницата.
На самиот настан, на учесниците ќе им бидат достапни ресурси и алатки потребни за да ги изградат нивните апликации за Windows 8. Преку креативност и талент тие ќе можат да ги развијат апликациите кои го менуваат начинот на кој работиме и играме денес, вели Microsoft.
Во тек на настанот, присутните ќе имаат шанса директно да соработуваат со Microsoft апликациски експерти, програмери, тренери и графички дизајнери кои ќе бидат спремни да им помагаат во осмислувањето, кодирањето и креирањето на нивниот сервис и апликација. Исто така ќе има и предавања и практични вежби кои ќе им помогнат на учесниците да го разберат развојот на апликаците и Windows 8. Дополнително, ќе има опција да ги тестираат своите апликации на местото на настанатот.
WOWZAPP 2012 ќе се одржи на Факултетот за информатички науки и инженерство (ФИНКИ). За повеќе детали за настанот може да прочитатe на http://wowzapp2012.com.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Deltatre 
