Откако ја освоија вселената „Гневните Птици“ ги наострија клуновите и се упатија кон далечна галаксија. Новото продолжение на Angry Birds ги праќа птиците и прасињата во светот во кој најмоќни се „force-users“ а галаксијата е во вечна борба помеѓу подржувачите на империјата и бунтовниците. Најавата за Angry Birds: Star Wars е од поодамна, но сега го имаме и првиот трејлер за играта.
[youtube]0Yq9idnT1OM[/youtube]
Како што можеме да видиме на краткиот трејлер птиците ќе бидат џедаи, а прасињата овој пат ќе ја бранат империјата. Црвените птици кои најчесто се појавуваат во играта, ќе бидат Лук Скајвокер, а може да се препознае и принцезата Леа која не руши туку влече предмети.
Играта е најавена за 8 ноември за сите платформи, iOS, Android заедно со Kindle Fire, Windows телефоните, PC и Mac.
[youtube]BferNXUH5dM[/youtube]
