ИТ настан: Скопје Counter-Strike Masters

Со околу 7.000 евра награден фонд, Skopje CS Masters може да биде вистински настан за гејмерите и љубителите на популарната игра.

Настанот се одржува на 12 и 13 мај во спортскиот центар „Борис Трајковски“. Најавен е како дел од Саем за иновaтивни технологии, но во моментов нема детали за саемот освен што ни е најавено дека ќе биде составен од изложбен дел каде компании ќе постават штандови, ќе има настан за мобилизирање на ресурси и обука за вклучување на лицата со хендикеп во ИТ светот, и секако, CS натпреварување кое дефинитивно ќе ја привлече најголемата публика.

Веќе има пријавено над 70 тимови. Целата листа можете да ја видите на Мightyit.mk кои се и организатори на настанот.

Турнирот ќе биде пренесуван во живо на http://www.hltv.org.

[youtube]6VCPXKgPdCI[/youtube]