Фаќајте ракописни веб белешки: Evernote го купи Penultimate

Веб бележникот Evernote ја купи iPad апликацијата Penultimate, четвртата најпродавана апликација на сите времиња на iPad, за необјавена сума.

Evernote е сервис кој овозможува да фаќате белешки додека сурфате, да ги складирате идеите, аудиото и се што ќе видите на веб, за да можете да го зачувате и потоа да им пристапите од било каде, вклучувајќи ги и мобилните уреди. Сервисот има кул опции за пребарување на белешките според тагови, клучни зборови и други опции што го олеснуваат организирањето.

Сега со Penultimate, Evernote добива популарна апликација за iPad која овозможува да се пишуваат ракописни белешки користејќи ги прстите или дигитално пенкало.

„Дигиталното ракописно пишување беше присутно со декади, но никогаш не стана мејнстрим бидејќи хардверот и софтверот едноставно не си одговараа. Благодарение со Penultimate и iPad, тоа се променува.“, вели директорот на Evernote, Фил Либин.

Penultimate е достапна во моментов само за iPad за еден долар, но Еvernote вели дека ќе ја продолжат стратегијата да се присутни на сите можни платформи, и наскоро може да очекуваме да видиме и верзија на Penultimate за Android, а можеби и за декстоп копјутерите.

Evernote во своето соопштение најави дека ќе ја подобри апликацијата, и ќе ги интегрира двата сервиса. Всушност, веќе може забелешките од Penultimate да се снимат на Everton само со еден „клик“ на iPad.

[youtube]8rq1Ly_PI4E[/youtube]