По Блогоманија која привлече над 400 блогери од екс-Ју регионите, сега следи втората Твитоманија, регионална конференција за друштвените мрежи која ќе се одржи од 8 до 12 мај 2013 година во Хрватска. Темата на конференцијата ќе биде „Друштвените мрежи и животот“, а ќе се диксутира за сите сфвери во секојдневието кои сега зависат од интеракцијата на друштвените мрежи.
„Овогодинешнава Твитоманија на едно место на хрватското приморје ќе збере над илјада корисници на популарната друштвена мрежа кои буквално ги изедначија анонимците со познатите личности, претприемачите и корпорациите, народото и политичарите, офлајн и онлајн медиумите, и кои ни овозможија двосмерна комуникација со сите тие луѓе кои влијаат на нашиот секојдневен живот и го прават … па секако поинтересен.“, велат организаторите.
На настанот ќе има предавања од експерти, панел дискусии и работилници со јавни личности, блогери, медиуми, институции и властите кои имаат искуство со друштвените медиуми. Најавените говорници и програмата може да ги видите тука.
Сите детали за конференцијата и како да се регистрирате ќе најдете на официјалниот сајт.
Планира некој од МК да оди? RT @tvitomanija: Live smo! Tvitomanijaci molim RT :-)
— darko buldioski (@darko156) February 11, 2013
