Вечерва (среда) со почеток во 19:00 часот ќе се одржи нов Startup Meetup на SuperFounders Skopje на кој ќе има две предавања за пазарно истражување и продажба, и претставување на осумте локални стартапи кои се приклучија на Start програмата. Стартапите веќе неколку недели работат на креирање на своите апликации и платформи, но се работи и на презентациите кои се усовршуваат со помош на ментори. Целта на програмата е апликациите да излезат надвор од земјава и на натпреварите за стартапи да привлечат интерес и инвеститори.
Предавањата ќе бидат од Ристе Мише, аналитирач за инвестиции од Влада на РМ, кој ќе зборува за пазарно истражување; и консултантот за менаџмент, Михаил Китановски, кој ќе зборува за „упатство за добивање на два нови клиенти“. По нив ќе следат презентации на стартапите и нивното дообучување од менторите. Средбите се отворени за сите заинтересирани во развивање на стартап, и можат да бидат доста интерактивни со анализите од менторите и другите стартапи. На денешниов настан, како дополнителна мотивација за стартапите, е најавена и посетата на претседателот на Република Македонија, Ѓорѓе Иванов.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Seavus 
