Во периодот од 8 до 12-ти мај, во Хрватска ќе се одржи регионалната конференција за друштвени мрежи – Твитоманија. Настанот ќе се одржи на хрватското приморје и ќе биде место на кое ќе се соберат илијадници корисници и експерти за друштвените мрежи од сите сфери на нашиот регион.
На Твитоманија најобичните корисници ќе може да застанат рамо до рамо со јавните личности, политичарите и поголем дел од познатите регионални фаци на друштвените мрежи и блогери. На настанот ќе се разговара за влијанието на друштвените мрежи во регионот, за користење на фотографиите, пропратено со примери за добра и лоша комуникација на мрежите. Меѓу поинтересните теми ќе бидат регоналните стартапи кои ги користат мрежите за промоција, но и говорите од државните институции кои се инволвирани со сајбер просторот.
