На 22 и 23 декември VIP организира голем гејминг викенд. Ова е еден од ретките вакви настани во Македонија, и секако еден од најголемите, ако не и најголемиот.
Најдобрите играчи ќе можат да ги испробаат своите вештини во куп видеоигри, но и маскирање (cosplay), друштвени игри, брзо местење Рубикови коцки и тон други натпревари. Организаторите ветуваат награди и за учесниците, но и за посетителите. Со оглед на тоа дека настанот е викендот пред новогодишните празници, ова е одлична можност за забава на целото семејство.
Ќе се одржат турнири во Fortnite, Hearthstone, FIFA 2019, Tekken 7; ќе го добиеме најбрзиот возач во Virtual Racer; најдобриот во Magic the Gathering; најдобрата маска на Cosplay натпреварот; како и најбрзите во натпреварот за местење на рубикова коцка.
Настанот ќе се одржи во управната зграда на VIP, а посетата е бесплатна. Сите кои нема да можат во живо да ги следат натпреварите ќе можат да го следат стримот на GG.MK кој е официјален стрим партнер на настанот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
