Тим Кук им порача на сите кои сметаат дека нивната раса е супериорна или споделуваат теории на заговор да си најдат друга платформа. Apple нема намера да толерира деструктивно однесување на својата платформа.
Директорот на Apple говореше на настанот организиран од „Anti-Defamation League“ (ADL). Apple е добитник на наградата „Храброст против омраза“.
„Од најраните денови на iTunes до Apple Music денес, секогаш сме забранувале музика која промовира бела надмоќ. Зошто? Бидејќи веруваме дека тоа е вистинскиот избор, а како што покажавме оваа година на AppStore нема простор ниту за насилни теории на заговор“, вели Тим Кук.
Секако вториот дел е наменет за Алекс Џонс, кој оваа година заедно со сите подкасти и апликацијата е отстранет од App Store. Токму борбата со говорот на омраза и налудничавите теории на заговор на InfoWars се дел од настаните кои одбележаа некои од месеците оваа година. Apple беше првата компанија која во целост ги забрани овие подкасти, па следеа и Facebook и Twitter и Google.
