Доколку бевте на конференцијата за друштвени мрежи и активизам Engage, веднаш ќе знаевте дека врие од твитерџии. Постојано во говорите се споменуваа Twitter профили, и постојано некој кликаше на телефон за да го раскаже најинтересното во 140 знаци.
Статистиката објавена во инфографикот на Радио МОФ, Младинскиот образовен форум и Фондација Идеја, ни открива дека се споделиле околу 3.356 твитови, имаше 1.988 @споменувања и 1.253 ретвитови. Ова е фасцинантна бројка на твитови за еднодневен настан кој траеше околу 8 часа. Ни најавија и дека наскоро треба да се објават и видеата од презентациите.
