Фондацијата Метаморфозис објавува повик за фондации, здруженија на граѓани и други облици на формално и неформално граѓанско здружување за учество во серија на обуки кои ќе придонесат за унапредување на нивните активности и мисија преку користење на информатичко-комуникациски технологии (ИКТ).
Вештините со кои ќе се стекнат избраните организации вклучуваат:
- Поефикасно канцелариско работење и раководење со/спроведување проекти преку користење cloud computing (или технологија во „облакот“);
- Стратешко користење на друштвените медиуми;
- Практики за безбедна интернет комуникација.
Периодот на спроведување на активностите е април-октомври 2013 година. Ќе бидат опфатени 10 организации, а предност ќе имаат организациите кои ќе покажат спремност за користење на сите вештини опфатени со обуките. Oрганизациите ќе имаат можност да работат со експерт во областа, кој ќе ги идентификува нивните специфични потреби и врз основа на резултатите ќе предложи алатки и дополнителни обуки насочени кон подобрување на ефикасноста на организацијата.
Рокот за пријавување е до 24 март, 2013 година. Сите заинтересирани организации се замолуваат да го пополнат следниот формулар.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
