Да се стартува нова компанија е едно од поедноставните нешта, ќе ви речат претприемачите. Но, да ја направите таа компанија успешна со нов продукт кој ќе го револуционира пазарот, е за тоа треба знаење, среќа и многу, многу труд. YES Инкубаторот ве води низ инспиративните приказни на некои од најуспешните претприемачи од светот преку документарниот филм The Startup Kids. Овој документарец содржи ексклузивни интервјуа со основачите на Vimeo, SoundCloud, Kiip, Dropbox и многу други, кои зборуваат за тоа како ги започнале своите компании и за нивните животи како претприемачи.
Филмот е направен од две жени-претприемачи од Исланд, Вала Хачдпрсотир и Сесеља Вилхамсдотир, кои ја основале својата прва компанија брзо после економскиот колапс на Исланд и сакале да ги мотивираат другите млади луѓе да станат претприемачи. Дополнително, овој филм е емитуван во повеќе од 40 земји низ светот.
YES Инкубаторот ја има ексклузивната лиценца за прикажување на филмот во Македонија. Датумот за прикажување е 24-ти април, термин 20:00 часот. Влезот е бесплатен, пријавување присуство на http://0.mk/StartUpKids.
[youtube]ApUln7AD0_Q[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
