Софтверската компанија Siyelo, со седишта во Кејптаун (Ј. Африка) и Скопје, ги повикува македонските веб дизајнери и програмери на дружба во кубанскиот ресторан La Bodeguita Del Medio. Без грижа, пиењето е на нивна сметка!
Siyelo Drinkup: Skopje (19th Sep, 7PM at La Bodeguita Del Medio): blog.siyelo.com/siyelo-drinkup… via @siyelo
— Dalibor Nasevic (@dnasevic) September 12, 2012
Дружбата ја организираат Далибор Насевиќ и Диме Пашоски, кои можеби подобро ги знаете како креатори на наградуваната апликација Поправи.мк. Двајцата работат во претставништвото на Siyelo во Скопје како програмер, односно дизајнер. Портфолиото на Siyelo можете да го погледнете на нивниот сајт, а според Далибор, еден од поважните нивни проекти е Health Resource Tracker кој го развиваат во соработка со експерти од Руанда, Кенија и САД.
Според нив, идејата на собирот е подобро да се запознаат со македонската програмерска и дизајнерска заедница, да и понудат шанса на заедницата да направи некој бизнис контакт, и секако, како алтернативен мотив е да најдат соработници. Повеќе детали за вработување во Siyelo ќе најдете на нивниот блог.
