Што е venture capital? Во какви стартапи се инвестира? Колку пари? Дали е поважен тимот или продуктот? А што е воопшто инвеститор!?
Сите овие прашања и други ќе може да ги поставите во Ask Me Anything (AMA) сесија со Татјана Забасу, инвеститор и директор на канцеларијата во Скопје на South Central Ventures. Ова е инвестициски фонд од 40 милиони евра кој од неодамна отвори канцеларии во Скопје, Белград и Загреб во потрага по иновативни стартапи во кои ќе инвестираат од 100.000 до 3 милиони евра. Од претходниот разговор со г-ѓа. Забасу, дознавме дека South Central Ventures бара амбициозни стартапи што сакаат да го освојат светот, но првин ќе треба да го убедат фондот дека вреди да се инвестира во нив.
Настанот е отворен за сите стартапи и технолошки компании кои сакаат да дознаат повеќе за venture capital инвестиции и за самиот фонд, кој сака да најде локални стартапи со продукт што ќе може да се продава глобално. AMA сесијата ќе се одржи на 20-ти јануари, среда, со почеток од 17:30 часот во Seavus Incubator. Потребно е само да се регистрирате до 19-ти јануари.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
