Интервју со Филип Димитровски, 13-годишниот финалист на Vip Android предизвик

Android апликацијата Prelistaj беше прогласена за „најинвентивна апликација“ на вториот Android предизвик на Vip. Бидејќи беше истакната меѓу 15-те финалисти (од над 50 пријавени) сите бевме заинтересирани да видиме кој е искусниот програмер кој ја има направено. На изненадување на сите, на подиумот се појави 13-годишниот Филип Димитровски, и самиот збунет бидејќи се натпреваруваше со „два пати поголеми од мене“. Веднаш побаравме интервју со него, но моравме да почекаме некој ден бидејќи во „школо почнаа со оценување“.

Какво е чуството да биде одберен меѓу најдобрите на Vip предизвикот?

Чувството е одлично. Со оглед дека се натпреварував со програмери два пати поголеми од мене , беше вистински предизвик. Последната недела на менторската сесија и за време на презентацијата видов многу луѓе, и научив многу работи. За време на презентацијата беше интересен погледот на слушателите кои се чудеа на мојата возраст. За време на паузата, додека чекавме жирито да ја донесе одлуката, многу луѓе ми честитаа за одличната презентација. Се помина во најдобар ред и навистина сум среќен.

Објасни ни што е Прелистај?

Прелистај е социјален читач за вести и групни попусти. Наместо да ги отварате сите медиуми, сајтови за групни попусти и социјални мрежи, Прелистај нуди се одеднаш. Многу категории, коментари, профили и детали за се што корисникот го интересира.

(*Prelistaj во моментов е достапна само за корисниците на Vip преку Vip Store. Но најавена е и десктоп верзија.)

Како ја направи, може да ни кажеш за деталите?

Ми се допаднаа неколку странски читачи за вести, па нацртав една скица како би можело да изгледа еден македонски читач. Видов дека апликациите ќе бидат оценувани според дизајнот и искористеноста на GPS/камера/интернет технологиите па се обидов да имплементирам се. Тоа беше тоа, мора да имплементирам GPS, камера, и добар Holo интерфејс.

Пробав да направам нешто во Java преку Eclipse, но тој начин на развивање ми се виде премногу комплициран. Синтаксата ми беше лесна, но сите објекти и функции бараа многу параметри и сметав дека немам време за да научам да ја развијам апликацијата. Затоа се одлучив да го искористам Titanium SDK. Ова беше многу брзо и едноставно, а кодот повторно беше извршен како Java. Серверот го напишав во PHP и купив хостинг.

Имаше некој дел од месецот кога бев зафатен со школо и не работев на апликацијата, па највеќе работев на крајот од предизвикот. Имаше момент кога мислев дека немам време да стигнам, но на крајот се испадна правилно.

Што понатаму за тебе? Дали ќе продолжиш со креирање на апликации?

Дефинитивно ќе продолжам со креирање апликации, но и со веб развивање. Веб развивањето го имам усовршено уште одамна. Ме интересираше уште кога го добив првиот компјутер. Почнав да копирам изворни кодови, прво HTML, потоа CSS, а на крај и JavaScript.

Честитки Филип, ти посакуваме уште поголем успех! 

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Subscribe
Notify of
guest
0 Коментари
Newest
Oldest Most Voted
Inline Feedbacks
View all comments