Со цел да се подобри квалитетот на рецензии на апликациите во Google Play Store, од Google ги интегрираа профилите од Google+ во продавницата. Така од сега кога ќе коментирате нешто за некоја апликација, истото ќе биде објавено со вашето име и презиме. Ваква интеграција веќе има со YouTube.
Оваа можност е веќе во функција и доколку отидете да напишете преглед за некоја апликација поставена во маркетот, ќе добиете известување дека сите прегледи што ќе ги објавите во иднина ќе бидат објавени преку вашите Google+ профили.
Сите прегледи објавени претходно, ќе бидат променети и означени како испратени од „A Google User“.