Хардвер од минатата недела: Apple AR, UltraGear 48GQ900, Oura и Gucci работат на паметен прстен…

Avatar img-thumbnail img-circle

во Вести

Минатата недела и неколку дена претходно имаше неколку интересни вести од светот на хардверот. Покрај новата листа на најмоќни суперкомпјутери или новиот Microsoft Surface Go 2 излегоа куп други интересни новини и шпекулации: Sony најави дека PlayStation VR2 ќе започне со производство во втората половина на 2022; Apple го заштити „realityOS“; Oura и Gucci работат на паметен прстен.

Apple ги најави очилата за проширена реалност

Шпекулациите дека Apple работи на нов уред, очила за проширена реалност не се нови. Компанијата и со паметните телефони ја тестира проширената реалност, но сите очекуваме нов револуционерен уред од Apple. Телефоните веќе се здодевни, а паметните часовници никогаш и не беа уред кој премногу возбудува. Очила за проширена реалност од друга страна би можеле да бидат вистинска гаранција за иднината на Apple.

Засега единствен доказ за развојот на очилата е барање за заштита на името „realityOS“. Девелоперите претходно во логовите на AppStore забележаа „RealityOS“, но до оваа недела немаше нови информации. Паркер Ортолани кој прв го забележа барањето за заштита, открива дека барањето го поднела компанијата Realityo Systems LLC. Ова име секако не е Apple, но компанијата веќе има воспоставено ваква пракса. Дополнително адресата на компанијата е иста со адресата на „Yosemite Research LLC“. Yosemite Research LLC во минатото е користена за заштита на имиња на macOS верзиите Yosemite и Big Sur, вели 9to5mac.

Главна вест за Apple оваа недела сепак е Apple Worldwide Developers Conference од 6-ти до 10-ти јуни.

LG UltraGear 48GQ900 нов монитор кој може да замени и телевизор

Новиот UltraGear 48GQ900 монитор од LG ќе се обиде да ги премисли сите критичари на мониторите на LG. Станува збор за навистина огромен монитор; 47,5-инчниот OLED монитор може и да го замени телевизорот.

Мониторот има 4К резолуција и 120Hz (максимум со оверклок 138Hz); 0.1ms response time и беспрекорна прецизност кај боите. Мониторот е наменет за гејминг, а компанијата ветува дека е совршен и за PC и за конзоли. Иако првенствено е гејминг монитор , LG ќе го испорачува уредот со далечински управувач.

Засега нема никаква најава за датата на излегување или за цената за која мониторот ќе биде достапен.

Oura и Gucci работат на паметен прстен

Преносните компјутери последниве неколку години почнуваат и завршуваат со паметните часовници. Oura и Gucci работат на паметен прстен со кој ќе се обидат да ја зголемат видливоста за нови уреди на пазарот.

Ова не е прв паметен прстен од Oura и производителот веќе има 3 генерации од уредот. Сепак во соработка со Gucci ќе биде многу полесно да ги убедат купувачите дека станува збор за моден додаток. Разликата со основната верзија е во логото на Gucci, но и 18-каратното злато со кое е украсен прстенот. Секако ова ја покачува и цената, па наместо 300 долари, колку што чини основниот модел, Gucci прстенот чини 950 долари.

Функционалноста на новиот модел е иста со основната верзија на прстенот. Корисникот преку сензорите во прстенот добива информации за работата на срцето, физичка активност, информации за квалитетот на сонот, температурата, и други информации за активностите.

„Во Oura сме убедени дека преносните компјутери можат да бидат иновативни и со стил. Како платформа за здравје и благосостојба во основа, препознаваме дека она што го носиме влијае и на тоа како се чувствуваме. Oura се издвојува по биометриска точност, удобност и стил, а со прстенот Gucci x Oura уште повеќе ги доближуваме модата и функционалноста“, вели Мајкл Чап, директор на Oura.

Производството на PlayStaion VR2 започнува оваа година

Оваа година ќе започне производството на следната генерација на очила за виртуелна реалност за конзолата PlayStation. Веста дека PSVR 2 започнува да се произведува во втората половина на 2022 ја сподели Минг-чи Куо. Куо е добро информиран за движењата во производството, иако вообичаено известува за Apple.

Очекувањата се дека за почеток ќе бидат произведени 1,5 милиони уреди кои ќе бидат испорачани во 2023 година.

Засега нема официјална потврда од Sony. Сепак една од информациите кои се во насока на потврдување на оваа информација доаѓа на блогот на PlayStation. Текстот во кој се претставува иднината на The Walking Dead: Saints & Sinners ја споменува и VR верзијата.

„The Walking Dead: Saints & Sinners – Chapter 2: Retribution во моментов е предвидена на излезе на PSVR на крајот на 2022, а на PS VR2 во 2023.”

Тајван во Русија и Белорусија ќе испорачува само процесори побавни од 25 MHz

Тајванските компании во Русија и Белорусија ќе може да испорачуваат само процесори кои работат на фреквенции пониски од 25 MHz и со максимум перформанси до 5 GFLOPS. Ова е продолжување на санкциите кои поради инвазијата во Украина, ги започнаа САД, Велика Британија и државите членки на Европската Унија.

Покрај чиповите, Русија повеќе нема да може да купи ниту опрема и машини за производство на чипови. Забраната за извоз на оваа опрема и чипови е дел од далеку поопширни и поригорозни санкции, во кои секакви „high-tech“ уреди произведени во Тајван не може да се извезуваат во Белорусија и Русија.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments