Полека, но сигурно, навлегуваме во златниот период за поголемиот дел гејмери. Летото нè изненадува сите, не само со жешките денови, туку и со следниве интересни наслови кои ќе се борат за вашето внимание!
Во првата недела од месецот јуни дефинитивно се истакнува долго очекуваниот меме генератор – Diablo Immortal. По години и години од поразителната и длабоко исмејувана најава, оваа акциона RPG игра е конечно спремна да се испорача директно во вашите телефони, но и компјутери. Ја проверивме играта и, иако сме задоволни од виденото, сепак не можеме, а да не ги игнорираме бројните начини на кои играта ве заведува за да посегнете по паричникот. Бидете внимателни!
Се сеќавате ли на Spec Ops: The Line? Просечна акциона игра во трето лице, но феноменална приказна која апсолутно никого не остави рамнодушен? Студиото кое стои зад играта со години се посветувана на The Cycle проектот, но никако да успејат да го лансираат како што треба. The Cycle: Frontier би требало да биде нивната добитна формула и да понуди FPS лудило со комплексни PvPvE механики. Нѝ остануваат само четири дена да видиме дали Yager имаат уште еден хит, или уште едно поразително промашување.
The Quarry е уште една долго-очекувана хорор игра каде вашите одлуки влијаат на приказната. Доаѓајќи од мајсторското студио Supermassive Games (најдобро познати по Until Dawn и The Dark Pictures антологијата), The Quarry го ветува препознатливото хорор и супер тензично искуство каде го преиспитувате секој ваш чекор во целосно нова околина и со нови ликови.
Крајот на месецот дефинитивно резервирајте го со Worldslayer – првата содржителна експанзија за Outriders! Нешто повеќе од година дена, играта Outriders е бесплатно достапна преку Game Pass и беше едно од најсвежите изненадувања. Продолжетокот се надоврзува на приказнатата, со нови ликови, непријатели, оружја и механики. Worldslayer, за жал, нема да биде достапен преку Game Pass.
Сите игри кои ќе излезат во јуни!
- LEAP – Steam Early Access (PC) – June 1
- The Big Con (Switch) – June 1
- Silt (PC, PS4, PS5, Xbox One, Xbox Series X/S, Switch) – June 1
- Gigapocalypse (PS4, Xbox One, Switch) – June 2
- Card Shark (PC, Switch) – June 2
- The Last Clockwinder (Quest 2, SteamVR) – June 2
- Diablo Immortal (Android, iOS, PC) – June 2
- SpellForce 3 Reforced (PS4, PS5, Xbox One, Xbox Series X/S) – June 7
- The Cycle: Frontier (PC) – June 8
- Madshot – Steam Early Access (PC) – June 9
- Mario Strikers: Battle League Football (Switch) – June 10
- The Quarry (PC, PS4, PS5, Xbox One, Xbox Series X/S) – June 10
- Metal Max Xeno: Reborn (PC, PS4, Switch) – June 10
- Skeleton Crew (PC) – June 16
- Redout 2 (PC, PS4, PS5, Xbox One, Xbox Series X/S, Switch) – June 16
- Starship Troopers: Terran Command (PC) – June 16
- Fall Guys: Ultimate Knockout (Xbox One, Switch) – June 21
- Shadowrun Trilogy: Console Edition (PS4, PS5, Xbox One, Xbox Series X/S, Switch) – June 21
- Wreckfest (Switch) – June 21
- Sonic Origins (PC, PS4, PS5, Xbox One, Xbox Series X/S, Switch) – June 23
- Fire Emblem Warriors: Three Hopes (Switch) – June 24
- Capcom Fighting Collection (PC, PS4, Xbox One, Switch) – June 24
- Disgaea 6 Complete (PC, PS4, PS5) – June 28
- DNF Duel (PC, PS4, PS5) – June 28
- Escape Academy (PC) – June 28
- Cuphead – The Delicious Last Course (PC, PS4, Xbox One, Switch) – June 30
- Monster Hunter Rise: Sunbreak (PC, Switch) – June 30
- Outriders Worldslayer (PC, PS4, PS5, Xbox One, Xbox Series X/S) – June 30
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
