За првпат на листата најмоќни суперкомпјутери, оваа година има суперкомпјутер кој на HPL бенчмарк тестот успеа да ја надмине границата од 1 егзафлоп. „Frontier“ од Национална лабораторија Оук Риџ успеа да достигне HPL „оценка“ од 1,102 Exaflop/s (егзафлопи во секунда).
„Frontier“ доаѓа со најновата HPE Cray EX235a архитектура и AMD EPYC 64C 2GHz процесори. Теоретската пресметковна граница на суперкомпјутерот е околу 2 егзафлопи или 2·106 пресметки во секунда. За да ја достигне оваа граница потребни се дополнителни нагодувања. Она што е теоретски можно во моментов е 1,69 егзафлопи.
„Frontier“ е толку моќен што ако се соберат следните 7 суперкомпјутери на листата, нема да бидат помоќни од него. Системот има 8 730 112 јадра и оценка за ефикасност од 52,23 gigaflops/watt. Моќноста на Frontier при максимално оптоварување е 29MW.
Првото место на листата за енергетска ефикасност Green500 го има Frontier – Test & Development System. Ова е еден „rack“ од Frontier идентичен со Frontier системот. Frontier TDS доаѓа со 120 832 јадра и HPL бенчмарк тест од 19.2 PFlop/s. Иако по моќноста не може да се спореди со Frontier, Frontier TDS има енергетска ефикасност од 62.8 gigaflops/watt. На листата Green500, Frontier е на второто место.
Fugaku од RIKEN Центарот за компјутерска наука во Кобе, Јапонија, досега беше на првото место. На оваа листа суперкомпјутерот падна на второто место. Оценката според HPL бенчмарк тестот му е 442 PFlop/s. Fugaku има 7 630 848 јадра, и е 3 пати побрз од суперкомпјутерот кој е на третото место.
На трето место на листата Top500 е најмоќниот европски суперкомпјутер. Како и „Frontier“ и LUMI е за првпат на оваа листа. LUMI e лоциран во Кајаани, Финска. Перформансите на LUMI се 151.9 Pflop/s. Суперкомпјутерот е на третото место и на Green500 листата со 51.63 gigaflops/watt.
Претходникот на „Froniter“ во Национална лабораторија Оук Риџ, суперкомпјутерот „Summit“ е на четврто место. На HPL бенчмарк тестот Summit постигна 148,8 Pflops/s. Summit е првиот nVidia – Power9 суперкомпјутер во топ 10. Summit има 4356 нода, секој со 2 Power9 процесори и 6 NVIDIA Tesla V100 графички картички.
Sierra, суперкомпјутерот од Национална лабораторија Лоренс Ливермор ја затвора листата Топ5 суперкомпјутери. Sierra е уште еден nVidia – Power систем. Суперкомпјутерот според HPL тестот е способен за 94,6 Pflop/s. Има 4,320 нода, секоj со 2 Power9 процесори и четири NVIDIA Tesla V100 графички.
На десеттото место на листата е суперкомпјутерот Adastra во Националниот компјутерски центар за високо образование, Монтпелје, Франција. Adastra е трет систем со HPE Cray EX на листата. Со 46,1 Pflop/s, Adastra е вториот најбрз суперкомпјутер во Европа зад LUMI. Ова е трет нов суперкомпјутер во првите 10 на Top500 листата.
Она што може да се забележи на новата листа е изостанувањето на Intel од првите 5 места. AMD се користи во првиот и третиот компјутер, ARM се користи во Fugaku, а POWER и nVIDIA се на четврто и петто место. На листата најмоќни суперкомпјутери системите на AMD EPYC се присутни со 5 во првите 10, и во 94 во првите 500. Системите со EPYC се присутни во голем дел од новите суперкомпјутери. Пред една година, во јуни 2021, само 49 од суперкомпјутери беа AMD EPYC системи. Кога енергетската ефикасност е во прашање AMD EPYC е и посупериорен. На Green500, од првите 20 места, 17 се за AMD EPYC системи.
Повеќе информации може да прочитате на Top500.org.
