Google работи на „подлабоко разбирање на сликите“ и препознавање на предметите на нив, објави компанијата на Google Research блогот. Компанијата на ImageNet computer vision натпреварот се претстави во две од шестте категории на технологии за препознавање на слики, и оваа година двојно го зголеми бројот на успешно препознаени слики од 22,5 на 43,9 отсто. Натпреварот се одржува секоја година од 2010 година, во организација на Станфорд, Принстон и Колумбија универзитетите. Пријавените тимови користат напреден софтвер кој се инспириран од биолошкиот вид, за детекција, лоцирање и класификација на слики од различни извори како на пример Twitter.
„Оваа година за натпреварот е историска. Тоа што навистина е возбудливо се перформансите кои направија огромен исчекор“, вели Феи-Феи Ли од Универзитетот Станфорд, за New York Times. Софтверот на Google може да детектира и да препознае голем број на објекти на сликите, дури и ако делови од нив се задскриени. Компјутерските системи кои се „копија“ на човечкиот мозок ќе овозможат побрзо рафинирање на на критериумите без притоа да се зголеми потребата од процесирачка моќ.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
