(Ова е гостински пост на Митко Цабевски, ко-основач на стартапите Ambio.me и U:plug, и иницијатор зад Foundedin.mk)
Сите земји од светот имаат свои посебни предности и карактеристики што ги прави уникатни и различни. Но, она што е заедничко кај сите овие земји се младите претприемачи кои се спремни да ризикуваат и да го менуваат светот.
Македонија е далеку од Силициумската долина, но тоа не значи дека не може да почнеме да размислуваме како Силициумската долина. Ајде да го смениме начинот на размислување и да изградиме претприменичка култура која го прославува секој ризик, идеја, сон, искрена пожртвуваност и напорна работа. Силициумската долина е состојба на умот! Тоа го докажуваат земјите како Велика Британија, Германија, Франција, Холандија, Полска, Израел кои успеаа да станат регионални стартап центри.
FoundedX e глобална иницијатива која има токму таква цел – промоција и поддршка на локални стартапи кои се желни да бидат дел од глобалната стартап сцена, но се горди на своето потекло.
Денес, како скромен почеток, со огромно задоволство и ентузијазам се приклучуваме на глобалното FoundedX семејство и ја објавуваме иницијативата за Founded in Macedonia – www.foundedin.mk.
Cо огромно задоволство и ентузијазам се приклучуваме на @FoundedX и ја објавуваме иницијативата Founded in Macedonia http://t.co/at7l4P38Sb
— Founded in Macedonia (@foundedinmk) January 16, 2015
Ги повикуваме сите иновативни стартап компании од Македонија да се пријават и да станат дел од глобалното FoundedX семејство, а ние ќе дадеме се од себе за нивна промоција, вмрежување и да исчекорат на глобалната стартап сцена.
Во мое лично име и во името на Теди, Влатко и Дејан сакам да изразам огромна благодарност до Даниел Јанев кој го осмисли и дизајнираше визуелниот идентитет, како и до Mhost за бесплатниот хостинг. Благодариме!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Браво за иницијативата, искрено ме изненади тоа што има барем 10тина македонци со да речам стартап менталитет. Единствено се е некако нискобуџетно, гледам јака новост е дека овие со штекериве добиле ~50.000 еур инвестиција, и после одиш на techcrunch.com и гледаш $20 milioni, $10 milioni серија а финансирање на стартапи и се некако смешно и за греота изгледа. Не е ни до македонија до душа, цела Европа последниве 10 години стана ирелевантна во поглед на технолошките иновации а и финансирањето на истите.
Дечкото се труди нешто да направи а мрчатори и сеирџии имало и ќе има.
:*