Вештачката интелигенција и понатаму е главна тема на дискусија, a најпоставуваното прашање е колку работа ќе замени таа и дали ќе ги замени луѓето во целост. Последниве денови се доказ за тоа дека никој не е безбеден на своето работно место, па дури ни ChatGPT.
Меѓународната бизнис школа Hult неодамна спроведе една анкета за тоа дали компаниите сакаат да вработуваат луѓе од Gen Z или пак AI роботи. Оваа анкета покажа дека голем број на компании претпочитаат да ангажираат AI роботи наспроти скоро-дипломирани студенти.
Околу 37% од работодавците ја претпочитаат вештачка интелигенција во однос на неодамна дипломираната работна сила.
Gen Z, родени помеѓу 1997 и 2012 година, се соочуваат со критики во последниве години додека влегуваат во деловниот свет. Претходниот извештај на Freedom Economy Index од PublicSquare и RedBalloon покажа дека 68% од сопствениците на мали бизниси ги сметаат вработените во Gen Z за „најмалку доверливи“ во нивната работна способност.
Дополнително, 71% рекле дека овие млади работници имаат најголема веројатност да добијат проблеми со менталното здравје на работното место.
Според извештајот од меѓународната бизнис школа Hult, речиси 40% од работодавците претпочитаат да ангажираат робот отколку скоро-дипломиран студент.
Студијата, во која беа анкетирани 1.600 работодавци и вработени со полно работно време, покажа дека 96% од работодавците веруваат дека повеќето факултети не успеваат соодветно да ги подготват студентите за идна работната сила. Како резултат на тоа, 89% активно избегнуваат да вработуваат скоро-дипломирани луѓе.
Ова го отсликува јазот помеѓу високото образование и вештините потребни за ран успех во кариерата. Всушност, 77% од неодамна дипломираните млади во истражувањето признале дека научиле повеќе за шест месеци на работа отколку во текот на четирите години на факултет.
И покрај нивната зголемена зависност од вештачката интелигенција, компаниите сè уште се соочуваат со недостиг на таленти. Огромни 98% од деловните лидери изјавија дека тешко наоѓаат квалификувани кандидати.
На прашањето зошто се двоумат да вработат скоро-дипломирани студенти, 60% од работодавците наведоа недостаток на искуство од реалниот свет, додека 55% сметаат дека овие кандидати тешко работат во тим.
Гледајќи наназад низ сопствениот образовен процес, 94% од скоро-дипломираните изразиле жалење за нивната диплома, а 43% чувствувале дека очекуваат неуспех поради изборот на погрешно поле на студирање.
„Во денешниот свет, со нестабилноста и брзиот технолошки напредок, училишта за бизнис треба да работат поразлично од традиционалните начини на настава. Сувопарната теорија повеќе не е доволна. Подготвување на учениците на нови начини, со фокус на градење и на вештините и начините на размислување потребни за континуирано учење е иднината на образованието“. изјави Мартин Боем, извршен потпретседател и глобален декан на меѓународната бизнис школа Hult.
Според многумина, идните генерации ќе треба да се стекнат со потребното работно искуство на алтернативни начини, со што би влегле подготвени во деловниот свет уште од првиот ден.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
