Англиската компанија Endava, која има канцеларии и во Македонија, излезе на берза. Endava е проценета на околу 2,5 милијарди долари. Во првото излегување на берза планираат да продаат акции во вредност од 75 милиони долари.
Акциите веќе се продаваат на Берзата во Њујорк под тикет DAVA. Продажбата започна на околу 25,2 долари, а сега се 23.8 долари.
Ендава е основана во 2000 година, а има канцеларии и во Србија, Романија, Бугарија, Молдавија, Данска, Германија, Холандија, Велика Британија и САД. Во Јужна Америка имаат канцеларии во Уругвај, Венецуела и Колумбија. Компанијата има над 4 700 вработени.
Ендава е присутна во Македонија од февруари 2014 година. Според најавите тогаш, компанијата требаше до 2018 година да отвори 450 работни места во Македонија.
Тимот од Скопје има пристап до широк опсег на професионални можности. Ендава исто така има блиска соработка со ФИНКИ и ФЕИТ факултетите, но и факултетите Свети Апостол Павле од Охрид, ФИКТ од Битола и СЕЕУ.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Endava 
