Како падот на криптовалутите во изминативе денови – да бидеме фер, паралелно се одвива и пад на поголемите берзи – да не беше доволна главоболка за крипто-ентузијастите, сега и Coinbase, една од најголемите крипто-берзи во светот која има и свој дигитален новчаник, објави дека постои *екстремно* сценарио да не може да обезбеди заштита на средствата на корисниците во случај на банкрот, откако на 10-ти мај берзата објави дека приходот им е 27% понизок споредбено со претходната година.
Што е Coinbase?
Coinbase е американска крипто-берза основана во 2012 од страна на Брајан Армстронг и Фред Ехрсам и оперира преку модел на далечинско работење бидејќи нема свои физички канцеларии. Регистрирана е во САД и е најголемата американска крипто-берза која опслужува корисници во 100+ земји низ светот и има годишни приходи кои се бројат во милијарди. Бројот на вработени во 2021 е 3.730.Coinbase котира на NASDAQ како COIN.
Берзата објави загуба од 430 милиони долари во последните три месеци и намалување на бројот на активни месечни корисници за 19%. Сепак Coinbase е далеку од банкрот и ова е речиси незамисливо да се случи, вели Брајан Армстронг, основач и директор на Coinbase, но неговите зборови некако немаат преголем ефект – во текот на целиот ден берзата има технички проблеми и форсира одложени исплати откако корисниците во паника тргнаа да ги извадат своите криптовалути.
Сценариото кое ја посегна паниката е сценарио во случај ако берзата прогласи банкрот, дел од средствата кои ги чува може да бидат предмет на стечајна постапка, а ова ќе значи дека тие средства ќе бидат недостапни за нивните сопственици.
Bitcoin
$26,777.50
Ethereum
$1,659.03
Binance Coin
$214.89
XRP
$0.53
Cardano
$0.25
Solana
$20.09
Dogecoin
$0.06
Проблемот е што криптовалутите треба да бидат единствено и исклучиво поседувани од единствен сопственик, но во случајот на Coinbase берзата е централизирана берза, а не децентрализирана (DeFi) и кога корисникот креира профил на Coinbase се креира и дигитален новчаник. Меѓутоа крајна контрола на овој новчаник има Coinbase бидејќи единствениот приватен клуч со кој се овозможува пристап до дигиталниот новчаник, во овој случај, е во рацете на берзата. Тоа значи дека тие го имаат и конечното управување врз средствата. Во замена за ова, корисникот може лесно да креира профил и да користи традиционални лозинки, вели Fortune.
Основачот на берзата во серија твитови објасни што значи додавање на информациите во тримесечното известување за заработката. Промените во делот со ризиците се законска обврска на барање на Комисијата за хартии од вредност. Барањето SAB 121 се однесува на сите јавни компании кои чуваат крипто валути за трети страни.
Правната заштита на средствата сè уште не е „тестирана“ во судовите. Така останува можност судот да нареди замрзнување на сите или барем на дел од средствата кои се во владение на берзата ако процени дека се дел од компанијата.
Покрај проблемите на берзата последните три месеци, Coinbase сепак чува 256 милијарди USD долари во крипто и фиат валути. Обемот на средствата кои се тргуваат е паднат од 547 милијарди на 309 милијарди долари во првото тримесечје оваа година. Coinbase предупреди дека волуменот на тргување веројатно ќе се намали и во ова тримесечје.
Како последица на лошите резултати акциите на Coinbase последните три месеци се паднати 75%.
18 коментари
Loading new replies...
Панка не се секирај... И за Банките цело време викаат балони дуваат па ете ги цело време со по весели новини за Нив секој квартал... Или ќе не биде сите или никој нема да биде... Верувај пошто до толку глобално село што кога Трпана иде на кафе веќе цело село знае...
Sent using Tapatalk
Споредуваш банки кои се регулирани, имаат задолжителни стапки на ликвидност, проценка на ризик, впишани заложни права на недвижности со сајт за крипто?
Ок.
Споредуваш банки кои се регулирани, имаат задолжителни стапки на ликвидност, проценка на ризик, впишани заложни права на недвижности со сајт за крипто?
Ок.
Ма он го само теше Панката.
