Во оваа прилика, би сакале да ви го насочиме вниманието кон две Steam Early Access игри кои допрва ќе излезат. Defenders of the Omniverse излегува на 26 август и нуди невообичаени roguelike елементи уредно спакувани во arena shooter. Temporal Purge: Z, од друга страна, ќе ви дозволи да покосите бранови од зомби чудовишта на преубави мапи и со најразлични оружја.
Defenders of the Omniverse – Излегува на 26 август 2024 година, од Babushka Entertainment
Од мало инди студио излегува игра која нуди огромна забава, особено доколку сте фанови на Bullet Hell Rogue-Lite кој е инспириран од цртаните филмови од осумдесетите години на минатиот век. Во играта, контролирате херои од најразлични кралства и се соочувате со орди од непријатели на мрачниот волшебник Уброс.
Пеколна акција
Играта ни се допаѓа од неколку причини. Прво, има преубава графика која остава впечаток како навистина да е дел од некој невообичаен стрип или цртан филм. Второ, секој од хероите се одликува не само со уникатни изгледи, туку и со уникатни способности кои се од привремен или траен карактер (како додатен бонус е и можноста да полните и активирате ултимативна способности, или улта). Како трето, гејмплејот изгледа навистина добар, со флуидни движења, напади и хаотична акција – добитна формула за игри од ваков калибар! Како последна точка би ги истакнале креативно осмислените босови, како и ветувањето за неверојатно искуство против мега босот – самиот Уброс!
Defenders of the Omniverse ќе биде дел од раниот пристап на Steam до последната четвртина на 2025 година. Моментно, играта ги има имплементирано сите клучни механики, една мапа која е со три биоми, пет уникатни херои, 13 оружја, 13 предмети, 18 непријатели, шест мини босови и четири мега босови. Во зависност од повратните информации од гејмерите, играта планира да воведе дополнителни мапи. Како првата мапа, така и останатите би имале различни биоми. Покрај ова, ќе се воведат нови непријатели, босови, како и нови херои, предмети и оружја.
Повеќе детали за играта
- Произведува: Babushka Entertainment
- Издава: Babushka Entertainment
- Жанр: roguelite
- Платформа: Microsoft Windows
Temporal Purge: Z – Бесплатно излегува во октомври 2024 година, од Exec Games
Пред некој ден пишувавме за тоа колку многу ја сакаме Hellbreach: Vegas. Temporal Purge: Z е игра која е со слични гејмплеј механики, само од помалку озбилна перспектива. И во Temporal Purge: Z ќе бидете фрлани на мапи кои етапно ги отклучувате. Со константното елиминирање на непријателите, ќе можете да купувате и најразлични оружја и способности. Разликата е во тоа што графиката е поли и во разигран, шаренолик тон, исклучително слично на играта Walking Zombie 2 (игра која до некаде ви ја препорачавме во нашиот текст).
Зомби апокалипса
Од она што успеавме да видиме, Temporal Purge: Z делува како забавна игра, особено во ситуации кога имате малку време и сакате да поминете кратки безумни сесии со чистокрвна акција. Ќе можете да патувате низ најразлични локации „низ просторот и времето“, а, за оние кои се со натреварувачки дух, ќе има и leaderboards. Како и други вакви игри, ќе имате машини од кои ќе можете да купувате рандомни оружја, како и да активирате најразлични моќи.
Исто како и нашата прва игра од оваа листа, се очекува и Temporal Purge: Z да се развива цела година. Кога играта ќе излезе во октомври, ќе имаме на располагање 3 мапи, над 15 оружја, бројни изгледи за оружјата, и, како што споменавме, leaderboards, но и систем за бележење напредок (кој најверојатно ќе дозволи отклучување или пасивни способности или скинови). Низ годината, тимот
Exec Games планира да воведе дополнителни мапи, оружја, изгледи, непријатели, но и можност за ко-оп.
Повеќе детали за играта
- Произведува: Exec Games
- Издава: Exec Games
- Жанр: FPS
- Платформа: Microsoft Windows
Коментари
0 коментари