Dark-1 ја претставија видеоиграта „Скопје“ на Pax West

Скопје (skopjegame) е македонска видеоигра развиена од студиото Dark-1. Веста дека креаторите на Odium to the Core планираат нова игра за првпат се појави во 2019.  Неколку години подоцна играта не е завршена, но како што велат од Dark-1 „се гледа крајот“. Оваа недела официјално беше објавен и издавачот на играта PM Studios.


„Скопје“ е First Person Shooter, open-world survival видеоигра со гејмплеј кој се заснова на нелинеарно истражување на светот. Играта е длабоко инспирирана од Скопје во 70-тите и бруталистичката архитектура на Кензо Танге. „Скопје“ е со уникатен cel-shaded арт стил инспириран од стрипови, и содржи поедноставени survival механики и мобилна база со која може побрзо да се истражува градот.

Градот е фрлен во безредие и е под константна опсада од мутирани суштества. За ефикасно справување со суштествата, играчите собираат различни материјали, го надградуваат својот лик и ја возат мобилната база (DOM) која освен како пренослива база на операции, служи и како ефикасно засолниште од опасностите кои не чекаат на секое ќоше.

Неодамна Dark-1 ја претстави Скопје на Pax West. Pax West е огромен фестивал на видеоигри, друштвени игри кој секоја година се одржува во Сиетл. За искуството од Pax West и новости поврзани со „Скопје“ зборувавме со Кристијан Трајковски.

Што се случува со развојот на „Скопје“?

Скопје е игра во развој речиси 4 години, и нејзините зачетоци беа поддржани од ФИТР.  Во изминатиов период имаме огромен напредок во сите аспекти од играта – огромна листа на сложени функционалности, дизајн и адаптација на огромен број на 3д објекти, градење на светот и приказната…

Развој на игра од еден ваков размер, особено од мал тим како нашиот е еден огромен зафат и е потребно многу време. Во моментов на играта работиме 7 луѓе.

Веќе имате поголемо искуство со развој и издавање на игри од Македонија? Кои се предизвиците и придобивките?

Мислиме дека голем предизвик е што сме изолирани и затворени во делот со контакти, размена на искуства и кадар. Нашата индустрија на игри е премногу млада и мала, и многу работи ги почнуваме и учиме од почеток.


Придобивките се, нашиот животен стандард и тоа што крајниот корисник ни е целиот свет. Изработката на игра кај нас подложи на помали трошоци, што ни дозволува да направиме повеќе за помалку, во споредба со фирми кои се наоѓаат во САД и други држави каде што животот е поскап.

Неодамна бевте на Pax West кои се ваштите впечатоци како „обични“ посетители?

Како прва посета на овој тип на конференција бевме збунети и изненадени од квантитетот и квалитетот на посетители и големите имиња кои имаа свои штандови. Кога до вас има штанд од „Path of the Exile 2“ и си правите опуштен муабет со еден од девелоперите сфаќате дека сте на исто рамниште, барем за време на PAX. За жал не успеавме да го прошетаме PAX како обични посетители, гледавме што повеќе време да поминеме покрај нашиот штанд за да собереме што повеќе идеи и мислења од играчите.

Посетата на Pax сепак беше професионална. Како помина презентацијата на Скопје?

Презентацијата помина супер. Постојано имаше луѓе што ја играа Скопје и чекаа на ред. Не добивме лош коментар, само пофалби и ситни сугестии.

Кои беа реакциите на луѓето кои ја видоа играта?

Првичните реакции секогаш беа насочени кон стилизираниот визуелен стил. По преигрување на демото добивме пофалби за gunfeel-от и дека не очекувале дека играта има survival механики што пријатно ги изненадило.

Успеавте ли да пронајдете издавач за играта?

Да, издавачите се од САД и се викаат „PM Studios“. Имаат долгогодишно искуство со секаков вид на игри и платформи. Пред две години стапивме во контакт со нив и годинава заедно отидовме на PAX West да ја промовираме „Скопје“.

Кои се PM Studios

PM Studios се американски издавач на видеоигри со седиште во Лос Анџелес, Калифорнија. Компанијата е основана во 2008 година и имаат прилично широка специјализација на игри кои ги издаваат.

Покрај Скопје издавачи се на куп други игри, а веројатно најпознат наслов во моментов е „My Time at Sandrock“.

Кога би можеле да ја очекуваме завршената верзија на играта?

Сѐ уште немаме датум за издавање ама можеме да кажеме дека се гледа крајот.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments

ит кариера

Matrix IT Global Services Macedonia

Technical Support Specialist

Matrix IT Global Services Macedonia

Senior Software Automation Engineer

МАКЕДОНИЈА осигурување АД Скопје Виена Иншуренс Груп

Оглас за вработување на ORACLE DBA

види ги сите огласи на kariera.it.mk