Archive.org започна да архивира и 78rpm грамофонски плочи. Засега фокусот е на плочи кои веќе не се достапни во продажба. Проектот за архивирање музика е поддржан од George Blood, LP. Проектот трае неколку години, а сега стаса до 35.000 внесени плочи.
Приоритет за архивирање имаат плочите кои немаат дигитална форма, туку единствено како физички копии. Дигитализацијата ќе ја зголеми достапноста до оваа музика, како до истражувачите така и до обичните слушатели. Дополнително, сите ќе можат да ги слушаат овие песни без опасност од дополнително оштетување на оригиналите. Карактеристичниот шум кој се јавува кај винилот е зачуван и не е филтриран во овие копии.
Колекцијата е отворена за истражување, образование и приватна употреба. Авторските права на песните се постоечки и непроменети, ниту се префрлени на Internet Archives, објаснија од Archive.org.
Сепак, ако ништо, корисниците можат да преслушаат некој вистински класици.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
