Вниманието беше свртено кон iPad Mini и четвртата генерација на iPad, но не треба да испуштиме дека Apple ги потврди шпекулациите и го претстави 13-инчниот MacBook Pro со Retina дисплеј.
Како и кај 15-инчниот Macbook Pro, овој нов 13-инчен модел доаѓа со Retina екран кој има 227 пиксли по инч, што е четири пати повеќе од стандарден Macbook, со неверојатна 2560×1600 резолуција. Но, за ваква прекрасна слика ќе треба да платите и прекрасни пари. 13-инчниот MacBook Pro со Retina дисплеј чини околу 1.600 долари.
Што се однесува до другите спецификации на 1,9 cm тенкиот лаптоп, тој има добар процесор – 2.5GHz Intel Core i5 процесор (Turbo Boost до 3.1 GHz) со 3MB Cache, но има и интегрирана HD 4000 графичка картичка што не е баш нешто посебно. Има 8 GB RAM, 128 до 256 GB простор, зависно од моделот, и тежи 1,62 килограми. Има 720p FaceTime HD камера, Thunderbolt портови, USB 3.0, HDMI и приклучок за SDXC картичка.
[youtube]6kYxnMUOczg[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
