Апликација на денот: Види, пријави и поправи дефекти во скопските општини

Во Македонија има дупки по патиштата, раскопани тротоари и скоро нефункционални (каде што ги има) патеки за велосипеди. За да се поправат сите тие проблеми се стартуваа неколку краудсорсинг апликации преку кои може да се пријавуваат дефекти и проблеми. Концептот на тие апликациите е одличен, но во моментов повеќе се игнорирани од надлежните, отколку да бидат прифатени за општото добро

Можеби работите ќе се сменат со „Види, пријави, поправи“ – апликација развиена од стартапот CodeWell за скопските општини Кисела Вода и Гази Баба – преку која корисниците може да пријавуваат дупки и друг вид на дефекти во општините преку својот Android паметен телефон. За лоцирањето на дупките ќе се погрижи гео локацискиот сервис што го имаат вградено во апликацијата, а при пријавувањето ќе можете да изберете за каков вид на дефект се работи, да дадете опис и да прикачите слика. Исто така, „Види, пријави, поправи“ нуди и преглед на сите пријавени дефекти и нивниот статус.

Покрај оваа апликација која беше развиена при крајот на минатата година, на нашиот пазар од пред неколку години постои и Поправи.мк која победи на првиот VIP Android натпревар. Кодот од таа апликација е отворен и можете да го видите на Github. Сепак, пријавувањето на овие проблеми надлежните ги игнорираа.

Токму поради тоа последното, од минатиот месец, основачите на Komarec.com.mk ја започнаа е-иницијативата за подобрување на Кочани. Идеите кои ќе бидат испратени до надлежните кои се законски обврзани во рок од 60 дена да одговорат на поднесените предлози.

Сите овие апликации се одлично замислени и вистински може да и помогнат на било која општина во санкционирањето на сите проблеми. Но, сепак на крај се поставува вистинското прашање… колку од пријавените проблеми навистина ги решиле од општините?

Добивај известувања
Извести ме за
guest
4 Коментари
Најнови
Најстари Со највеќе гласови
Inline Feedbacks
View all comments
trackback

[…] ќе биде заборавен како и останатите. Поправи.мк; Види, пријави, поправи; Пријави дупка се само дел од апликациите кои ја имаа […]

Lit Mari
Lit Mari
9 years ago

Ovie pred izbori pravat aplikacija! Vie demek "aplikacija na denot" i ete ti politicka reklama! ebave partiskite potrckovci…

Boris Kuzmanov
9 years ago
Reply to  Lit Mari

Чекај, не кажа од која партија сме. :) Друже, апликацијата е од ноември, сега сме март.

Delilah
Delilah
9 years ago
Reply to  Lit Mari

Чисто информатино апликацијата не е направена од партиите, туку преку проект кој нема врска со проектите на општините. А, реалноста е дека од сите општини на кои им беше понудена апликацијата (тука се и позициски и опозициски) само овие прифатија да потшпишат договор за бесплатно користење… другите не сакаа ни бесплатно да ја користат за да ги решаваат проблемите со кои се соочуваат граѓаните.