Ако имате страв од кокошки тогаш сигурно сте вонземјанин! Тоа е вистина во светот на Henophobia, нова македонска игра за iOS направена од Танасије Ѓоргоски од Струга. Во играта со механика на флипер, и приказна нацртана во стил на уметничките стрипови на култниот Рој Лихтенштајн, вие ја браните Земјата од вонземјани кои наместо да ја освојат планетата, ископаат минералите и да ги изедат човековите мозоци, добиваат ќотек од тренирани кокошки.
Танасије, 40, кој е страствен гејмер и специјалист во Java и XML технологии во компанијата Xyleme, играта ја направил од хоби и љубопитност. Не очекува огромна заработка од неа, бидејќи, како што вели, успехот на AppStore е резервиран за „големите и богати“ студија, но сепак се надева дека и неговата игра, во која вложил над илјада евра за нејзин развој и ангажирање на дизајнери и музичари, ќе има успех. Играта е бесплатна се до 12-тото ниво кога се плаќа 2 долари за отклучување на понатамошната приказна.
„Супер е што воошто постојат вакви механизми преку кои и луѓе како мене кои имаат желба да прават игри, можат да ги направат релативно лесно и да ги публикуваат. Инаку како хоби малце може да биде и скапо, поготово ако се ангажираат луѓе за графика, аудио, музика и слично, како што ангажирав јас (пошто воопшто не ме бидува за такви работи)“.
Танасије вели дека креирањето на Henophobia билo уникатно искуство, и тоа не само поради запознавање на iOS и алатките, и комуникација и работа со уметници (за графиката и музиката), туку и поради откривање на како функционира целиот систем на публикување и маркетинг на апликацијата. „Сето тоа е доста фасцинантно и интересно за мене“, вели тој.
[youtube]Svf0r0pGSe0[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Браво Танас, супер е играта!