Dodge Hero е нова македонска игра за Android, направена од двајца средношколци што не сакаат да ги именуваме. Можеби се кријат бидејќи нивната игра ќе ве изнервира. Dodge Hero има многу едноставен гејмплеј. Се вртите во круг и се што треба да направите е да кликнете на екранот за да ги избегнете препреките. Но, играта е hardcore, барем додека го темпирате времето на кликање. Едностано ни беше невозможно да собереме десет бисери. Искрено, не ни стигнаме до повеќе од пет. Но, тоа и ја прави неверојатно заразна и интересна.
Тоа што само недоставува на играта, која можеби ќе се појави и на iOS, е малку подобар дизајн бидејќи кога сакам да се нервирам со заразна игра, тогаш сакам таа да биде со убав чист дизајн. Интересно е што со собирање на поентите може да отклучите неколку различни карактери, како еден вид прогрес во играта, но девелоперите треба да поработат на гејмплејот бидејќи едноставни игри многу брзо стануваат и монотони.
