Македонската компанија iVote.mk и неговите основачи Гоце Арменски и Љупчо Антовски се најдоа во извештајот „Тајните на успехот 2014-2015“ на Европската Комисија. Извештајот е наменет да ги истакне компаниите кои ја движат и трансформираат економицијата користејќи ги новите технологии.
iVote е позната по својот Demokra сервис кој помага да се модернизира гласањето и избирачкиот процес. Компанијата работи и на системи за е-учење и е-трговија, но најпозната е поради Demokra која се користеше од избирачките комисии во Македонија, Косово, Албанија, Босна и Херцеговина и Еквадор. Сервисот има вкупно процесирано 107 милиони гласови и е добитник на наградата на European Venture Contest 2013.
“Во сегашната економска ситуација, европските компании мора да го насочат своето внимание кон иновативност, продуктивност, ефикасност на ресурсите и висока додадена вредност, ако сакаат да останат конкурентни во глобалниот пазар и да одговорат на предизвикот на создавање нови работни места. Дигиталната транзиција во склоп на глобалната економија претставува клучна точка на трансформацијата на европската индустрија“, вели Антонио Таџани, потпретседател на Европската комисија.
