Amazon, откако започна револуција во онлајн купувањето, продолжи со редефинирање на паметните домови со Echo, го промени начинот на транспорт на податоци со Snowmobile, ја научи својата вештачка интелигенција да препознава слики, а паралелно на ова работи и на други иновации кои ги искористуваат последните трендови во технологијата.
Една од нив е и Amazon Go – супермаркетот без редови за чекање и каси за плаќање. Новиот концепт на супермаркети на Amazon ги искористува последните технологии за машинско учење, вештачка интелигенција и електронско плаќање. На мошне едноставен начин Amazon сака да го промени начинот на кој пазаруваме и во физичкиот свет.
