Поодамна пишувавме за тоа како да ги елиминирате здодевните рутини со If by IFTTT, односно како да ги автоматизирате таквите операции преку Workflow за iOS.
Ellp е повеќе од истото, но во малку поразлично пакување, а причината поради која сме особени фанови на оваа бесплатна алатка е подобрата интеграција со Windows опкружувањето. Програмот ви дозволува на брз и едноставен начин, заснован на систем од „карти“, да автоматизирате секојдневни задачи. Во моментот, имате на располагање 37 претходно изготвени карти. Нивното активирање ви дозволува самиот оперативен систем да направи одредена акција кога одредени услови ќе се исполнат. Па така, една карта ќе започне надгледување на преземените фајлови и доколку по грешка преземете одреден фајл два пати, алатката автоматски ќе го избрише едниот за да не ви непотребно зазема простор. Друга карта ја поверува вашата имејл адреса и ве известува доколку се најде на листа на пробиени податоци. Трета карта автоматски отвора YouTube плејлиста во моментот кога ќе приклучите слушалки во компјутерот, а четврта брише непотребни податоци доколку хард дискот достигне одредена граница на исполнетост.
Сите карти се поставени во соодветни категории и можете дополнително да ги менувате за да нивната автоматизираност целосно се поклопи со вашите потреби.
Ellp и понатаму продолжува да лебди во бета просторот, но и како таков се покажа исклучително стабилен и лишен од значителни проблеми при извршување на командите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
