Yugo.logo е проект кој си има поставено цел да ги пронајде, собере и да креира архива на логоата од поранешна Југославија. Покрај исклучителниот квалитет на логоата, несомнена улога во интересот за профилите на друштвените мрежи за Yugo.Logo има и носталгијата.
Најголем дел од логоата кои се споделени доаѓаат со најважните детали. Речиси секое има податоци за годината на дизајнирање, локација на компанијата или фабриката и авторот на графичкото решение. Логоа не се споделени како слики, туку се рачно прецртани (или векторизирани).
Љубителите на логоа и типографија можат да пронајдат дизајни од Иван Пицељ, Милош Читиќ, Милан Вулпе, Костадин Танчев, Мирослав Грчев и многу други…
„Основната почетна точка на проектот e во фактот што повеќето од овие графички симболи, создадени пред повеќе од половина век, сѐ уште се сметаат за исклучително квалитетни решенија според современите стандарди. Нивното влијание врз денешниот (локален) дизајн, но и врз воспоставувањето на колективните естетски критериуми, во никој случај не е занемарливо, што ја прави темата на целото истражување – иако навидум архаична – многу актуелна“.
Yugo.logo веќе ја најави и правата изложба со наслов „Графичка идентификација во Југославија“ за мај оваа година во Загреб.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
