Во пресрет на денот на вљубените, од Sony решија да организираат огромна распродажба која опфаќа илјадници игри на попусти кои знаат да бидат исклучително длабоки.
Во оваа прилика, решивме да ги засукаме ракавите и да ги ископаме ем најевтините ем најинтересните игри кои се опфатени со промоцијата.
Destroy All Humans! Clone Carnage за 1 денар!
Не знаеме дали е грешка, но за само 1 денар оваа самостојно DLC апсолутно се исплати затоа што нуди 4 режими, 6 мапи и ред други работи за мрежна деструкција во DAH универзумот.
Agent A: A puzzle in disguise – за 60 денари!
Една од подобрите игри кои уметнички ги прикажуваат шеесетите години на претходниот век и нуди над 35 уникатни околини за истражување и стотици загатки!
HELLFRONT: HONEYMOON – за 60 денари!
90% попуст за една од поинвентивните twin-stick акциони стратегии во кои се вдомени бројни соло или ко-оп мисии.
DUCATI – 90th Anniversary – за 60 денари!
За ентузијастите на тркачки игри им ја препорачуваме играта од креаторите на RIDE. Се работи за интересен спиноф со 39 модели на мотори и уникатни терени за адреналински трки!
Zombie Vikings – за 70 денари!
Од креаторите на Stick It to The Man! доаѓа феноменална тепачка игра за еден до четири играчки. Ако само една игра можете да купите од листава нека тоа биде Zombie Vikings затоа што се одликува со шаренолика графика, смешна приказна и солидни гејмплеј механики за заедничко играње. На располагање имате над 25 нивоа низ 8 светови, четири уникатни ликови и над 40 оружја!
Masters of Anima – за 80 денари!
Стратешка авантура каде повикувате и контролирате огромни армии од по стотина чувари!
Zombie Driver: Immortal Edition – за 85 денари!
Една од најдобрите игри каде се комбинира возење автомобил и невиден масакар врз легија од зомби чудовишта. На располагање имате 31 мисија, бројни босови и арсенал од 13 уникатни возила!
Steel Rats™ Deluxe Edition – за 85 денари!
2.5D акциона игра каде се комбинира возење мотори, бројни трикови и користење најразлични способности за справување со се што ќе се осмели да ви излета на патот.
The Swapper – за 85 денари!
На времето, The Swapper освои неколку награди за невообичаената приказна испреплетена со инвентивни загатки. Доколку сте по истражување изолирани вонземни светови и управување со експериментални направи, не би требало да ја заобиколите играта.
Тоа беа нашите девет игри за до 90 денари. Се надеваме најдовте нешто интересно. За целата листа на игри кои се на понуда посетете го официјалниот сајт на PlayStation!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
