Дали Yahoo сака да биде кул пак со купувањето на Tumblr? Според информациите од AllThings D, Мариса Маер е на патот да ја купи платформата за блогирање за една милијарда долари. Овој потег не е нималку изненадувачки доколку го земеме фактот дека г-ѓа. Маер откако ја презеде диригентската палка на Yahoo се обидува да ги придобие младите корисници.
Tumblr е моќна платформа со над 100 милиони блогови и 50 милијарди постови која има скромни приходи и покрај тоа што се повеќе брендови ја користат за промоција, со оглед на тоа што доаѓа во минималистичка форма и е едноставна за користење. Иако сѐ уште ништо не е официјално потврдено, разни медиуми пренесуваат дека Yahoo и Tumblr ќе дојдат до договор.
Дополнителна причина која води до тоа дека оваа купување на Yahoo ќе се оствари е дека Tumblr во последниот период има проблеми со приходите, па со сигурност им е потребно освежување. Од друга страна пак, големата база на корисници е полн погодок за Yahoo.
