Најголем дел од вас кои го читате ова повеќепати до сега сте имале потребата да купите нов компјутер… Од процесот на набавка на нов персонален компјутер произлегуваат многу прашања од технички, економски и практичен аспект во однос на изборот на компонентите кои најдобро ќе ги задоволат вашите потреби, а ќе бидат и во согласност со планираниот буџет. Доколку не сте ИТ ентузијаст кој континуирано и активно ги прати случувањата на хардвер сцената и пазарот ќе треба да потрошите многу драгоцено време читајќи статии и споредби за да имате појасна слика при изборот на оптималните матична плоча, процесор, графичка картичка, РАМ меморија и останатите компоненти од вашиот иден компјутер. За жал, мнозинството купувачи немаат доволно време и желба за да ги проучат работите пред купување, но за среќа постојат стручни лица и компании кои веќе ги имаат проучено овие работи и кои можат да дадат соодветна препорака.
Јас, како ентузијаст повеќе од 30 години активно ја пратам хардвер сцената и пазарот, па си дозволив да ја напишам статијава за помош при изборот на компоненти за нов компјутер. Ја пишувам сега бидејќи во овој период, т.е. пред и по Нова Година, луѓето купуваат најмногу компјутери. Компонентите и цените кои ќе бидат споменати се актуелни во моментов додека пишувам, но се променливи со тек на времето, па во иднина ќе следат апдејти на компонентите и цените.
Согласно корисничките потреби, компјутерските конфигурации можеме да ги поделиме во три основни категории и тоа Office, Gaming и Workstation компјутери.
Office компјутери
Office компјутерите најчесто се користат за канцелариско работење, како и во наставниот процес на учениците и студентите. Ги имаат следните намени:
- Microsoft Office апликации;
- примање и праќање на e-пошта;
- преглед на PDF и друг тип на документи;
- сурфање на интернет;
- гледање на видео и аудио материјали.
Овие компјутери немаат многу големи хардверски побарувања и можат да бидат составени од нискобуџетни плоча, РАМ и процесор со вградена графичка единица без дополнителна графичка картичка.
Минимална конфигурација
Предлог на минимална конфигурација која може да ги задоволи овие намени:
- Матична плоча: Asus Prime A320M-K
- Процесор: AMD Athlon 300GE
- RAM меморија: 8GB, 2x A-Data 4GB DDR4 2667MHz
- SSD: A-Data SU630 240GB SATA
- Куќиште: PowerBox SY-133C
- Напојување: 200W реална моќност, вградено заедно со куќиштето
Цената на оваа конфигурација е 12.800 денари.
Оваа конфигурација иако ги задоволува намените сепак е релативно поспора при стартување на софтверот и работење со него. Во иднина, кога ќе излезат софтвери кои имаат поголеми побарувања од хардверски аспект, оваа конфигурација ќе биде уште побавна и ќе треба да се надгради за и понатаму да ја извршува истата функција.
Препорачана конфигурација
Препорачана конфигурација за оваа намена која во моментов важи за многу брза, но за истата намена ќе биде и доволно брза и во блиска иднина (наредни 3-4 години) би ја предложил следнава:
- Матична плоча: Gigabyte B550M-DS3H
- Процесор: AMD Ryzen 5650G
- RAM меморија: 16GB, 2x Kingston HyperX Fury BLack 8GB DDR4 3200MHz
- SSD: Samsung 980 500GB NVMe PCI-e 3.0
- Куќиште: Modecom Oberon PRO LE
- Напојување: nJoy! Ayrus 500W 80+
Цената на оваа конфигурација е 33.500 денари.
За разлика од минималната, оваа конфигурација има:
- матична плоча со понов и помоќен чипсет,
- над двојно помоќен процесор,
- двојно повеќе и побрза RAM меморија,
- многу побрзо SSD со двојно поголем капацитет на PCI-e 3.0 интерфејс,
- поквалитетно, поефикасно и помоќно напојување,
- поквалитетно и поскапо куќиште.
Помоќна варијанта
Доколку би ставиле помоќен хардвер од горенаведениот за препорачаната офис конфигурација перформансите незначително ќе се подобрат, но доколку цената не е критериум тогаш би го препорачал следново:
- Матична плоча: ASUS TUF Gaming X570-Plus
- Процесор: Ryzen 9 5900X
- Ладење за процесор: NZXT Kraken X53 AIO
- RAM меморија: 32GB 2x Kingston HyperX Predator 16GB DDR4-3200 CL16
- Графичка картичка: Asus GTX 1650 TUF 4GB OC
- SSD: Samsung 980 Pro 1TB NVMe PCI-e 4.0
- SSD2: Samsung 870 QVO 4TB SATA
- Напојување: NZXT C650 650W 80+ Gold Full Modular
- Куќиште: NZXT H510
Цената на оваа конфигурација е 135.000 денари.
Оваа конфигурација практично може да се искористи за многу повеќе намени и по своите спецификации спаѓа во workstation сегментот. Во однос на препорачаната, оваа конфигурација има:
- поскапа матична плоча со помоќен чипсет, подобра напонска секција, многу повеќе можности за приклучување на останат хардвер, како и BIOS за управување со нив со многу повеќе опции и можности за нагодување,
- двојно помоќен процесор со квалитетно водено ладење,
- двојно повеќе RAM меморија,
- двојно поголемо SSD со поголеми перформанси на PCI-e 4.0 интерфејс, како основен дрјав за оперативниот систем и апликативниот софтвер,
- големо 4TB SSD со наменето за складирање на податоци,
- графичка картичка која е одлична за обработка на мултимедија и е кадарна за entry level gaming,
- поквалитетно, поефикасно и помоќно напојување,
- поквалитетно и поелегантно(според мене) куќиште.
Иако изгледа како „расфрлање“ со хардвер за офис конфигурација, за ентузијаст како мене работењето на една ваква конфигурација е пред се задоволство исто како што за љубителите на автомобили е задоволство лаганото возење низ град со убава лимузина (на пр. Mercedes E class AMG) која под хауба крие 300+ коњски сили. Истата функција би ја извршувало било кое градско возило со 80 коњски сили, но задоволството во возењето не е исто.
Gaming компјутери
За разлика од офис компјутерите каде границата на ефективно користење на хардверот е многу ниско поставена и се сведува на перформансите од процесорот, кај гејминг компјутерите таа е поставена многу високо и зависи од повеќе компоненти. Како најважна ќе ја споменеме графичката картичка која е основа за секоја гејминг конфигурација. Во принцип помоќна графичката картичка значи и помоќна гејминг конфигурација. Но за една гејминг конфигурација да биде моќна не е доволно само таа да има моќна графичка картичка. Треба да има и доволно моќен систем на процесор со рам кои ќе можат ефективно да ја хранат графичката картичка со задачи(фрејмови за рендерирање). Покрај ова како многу битен фактор, кој често се занемарува, е и мониторот со своите спецификации (работна резолуција и фрекфенција на освежување).
При составувањето на гејминг конфигурациите е многу битно да се направи баланс помеѓу графичката картичка од една страна и процесорот со рамот од друга, имајќи ги во предвид ограничувањата/можностите од мониторот. Секако, многу е битно и кои игри ќе се играат, поточно нивните хардверски побарувања. Во принцип колку се игрите понови до толку се и хардверски побарувачки.
Во согласност на расположливиот буџет гејминг компјутерите би ги поделил во 5 нивоа на гејминг перформанси: минимална нискобуџетна, препорачана нискобуџетна, среден ранг, ентузијастичка и висока класа.
Минимална нискобуџетна
Како минимална нискобуџетна конфигурација со прифатливи гејминг перформанси би ја предложил следнава:
- Матична плоча: Asus H510M-K
- Процесор: Core i5 10100F
- RAM меморија: 16GB 2x Kingston HyperX Fury Black 8GB DDR4-2667 CL16
- Графичка картичка: Asus GTX 1650 TUF OC 4GB
- SSD: A-Data SU630 240GB SATA
- HDD: Western Digital Caviar Blue 1TB
- Куќиште: PowerBox SY-133C + 120mm fan
- Напојување: 200W реална моќност, вградено заедно со куќиштето
Цената на оваа конфигурација е 39.000 денари
Оваа конфигурација е доволно моќна за играње на игрите кои постојат во моментов со релативно низок (но прифатлив) фрејмрејт на Full HD (1920×1080) резолуција со ниски сетинзи на графиката. Многу веројатно е дека во блиска иднина (2-3 години) ќе имате потреба да ги надградите графичката картичка и процесорот за да можете да ги играте и тогашните актуелни игри, особено онлајн мулти-плеер игрите кои во последниве години станаа се повеќе гладни за перформансите на процесорот.
Помоќна опција
Како помоќна варијанта на нискобуџетна гејминг конфигурација би ја препорачал следнава:
- Матична плоча: Gigabyte H510M-S2H
- Процесор: Core i5 10400F
- RAM меморија: 16GB 2x Kingston HyperX Fury Black 8GB DDR4-2667 CL16
- Графичка картичка: Gigabyte 1660 Super Windforce 2X OC 6GB
- SSD: Samsung 980 500GB NVMe PCI-e 3.0
- HDD: Western Digital Caviar Blue 1TB
- Напојување: Raidmax 600W 80+ Bronze
- Куќиште: Raidmax i205
Цената на оваа конфигурација е 68.000 денари.
Во однос на минималната нискобуџетна гејминг конфигурација оваа има:
- околу 70% помоќна графичка картичка,
- околу 50% помоќен процесор,
- многу побрзо SSD со двојно поголем капацитет на PCI-e 3.0 интерфејс,
- поквалитетно, поефикасно и помоќно напојување,
- поквалитетно и поубаво куќиште со tempered glass прозорец, аRGB контролер и 4x 120mm фанови од кои 3 се aRGB.
Оваа конфигурација е доволно моќна за да овозможи течно играње на моменталните (offline и multiplayer online) игри на Full HD резолуција и ниски/средни сетинзи на графиката и ќе ви биде употреблива во наредните 3-4 години.
За оваа конфигурација препорачувам монитор кој има 75 ~ 144Hz фреквенција на освежување (refresh rate) на Full HD резолуцијa и е G-Sync compatible.
Со оглед на моменталните цени на мониторите би се фокусирал на некои 144Hz модели како на пример:
- Asus TUF VG249Q, 24″ Full HD, 144Hz, 1ms, IPS panel, G-Sync/FreeSync compatible = 12.000 денари
- AOC 27G2U, 27″ Full HD, 144Hz, 1ms, IPS panel, G-Sync/FreeSync compatible = 13.000 денари
Среден ранг гејминг конфигурација
За играње на Full HD резолуција со висок фрејмрејт и високи сетинзи би ја препорачал следнава mid-range гејминг конфигурација:
- Матична плоча: Gigabyte B550M-DS3H
- Процесор: Ryzen 5 5600X
- Ладење за процесор: BeQuiet Pure Rock Slim 2
- RAM меморија: Geil EVO X II 2x8GB DDR4-3200 RGB AMD Ryzen Edition
- Графичка картичка: Gigabyte RTX 3060 Gaming 12GB OC LHR
- SSD: Samsung 980 500GB NVMe PCI-e 3.0
- HDD: Western Digital Caviar Blue 1TB
- Напојување: Cooler Master MWE 650W 80+ Bronze
- Куќиште: Cooler Master TD500 Mesh /w aRGB fans
Цената на оваа конфигурација е 95.000 денари.
Во однос на препорачаната нискобуџетна гејминг конфигурација, оваа конфигурација:
- поседува 50% помоќна графичка картичка со најсовремен GPU кој ги подржува најновите технологии како RTX и DLSS кои дополнително придонесуваат за квалитетот на графиката и перформансите во игрите,
- има 25% помоќен процесор доволно моќен да ја храни графичката картичка во процесорски захтевни игри и кој e кадарен за video streaming без забележително да ги узурпира гејминг перформансите,
- поквалитетно и поелегантно куќиште,
- поквалитетно и помоќно напојување.
Како и за претходната конфигурација, така и за оваа препорачувам монитор кој има најмалку 144Hz refresh rate на Full HD резолуција, 1ms доцнење на сликата(input lag) и е G-Sync compatible. Но доколку се играат FPS (first person shooter) игри како CS:GO, PUBG, Valorant и слични препорачувам монитор со 240Hz фрекфенција на освежување. На пример:
- Dell Alienware AW2521HFA/AW2521HFLA, 25″ Full HD, 240Hz, 1ms, IPS panel, G-sync/FreeSync compatible = 20.000 денари
- Dell Alienware AW2720HFA/AW2720HFLA, 27″ Full HD, 240Hz, 1ms, IPS panel, G-sync/FreeSync compatible = 23.000 денари
Иако оваа конфигурација е сосема пристојна за квалитетен гејминг, ентузијастите ќе и увидат повеќе недостатоци почнувајќи од графичката картичка, па големината и брзината на SSD-то, капацитетот на РАМ, процесорот, резолуцијата на мониторот и т.н. И јас како ентузијаст сакам мојот гејминг компјутер да има помоќно/поголемо од сето ова набројаново… Но тоа си има и своја цена која е значително повисока во однос на mid-range конфигурацијата што ја напушта логиката на исплатливост.
Кога се работи за ентузијастите тие генерално добро знаат што сакаат, односно кои брендови, каков дизајн, какви чипсети/чипови, а секако и што можат да купат со расположливиот буџет. Ќе предложам неколку ентузијастички конфигурации кои ги составив по мој вкус:
Ентузијастичка гејминг конфигурација 1
- Матична плоча: MSI MAG Z490 Tomahawk
- Процесор: Core i7 10700KF
- CPU Cooler: NZXT Kraken X53
- RAM: G. Skill RipJaws V 32GB(4x8GB) DDR4-3600 CL18 Black
- Графичка картичка: MSI RTX 3070 Gaming Z Trio OC LHR
- SSD: Samsung 970 EVO Plus 1TB
- HDD: Toshiba P300 2TB
- Напојување: Cooler Master MWE 750W 80+ Gold Full Modular
- Куќиште: Cooler Master TD500 Mesh /w 4x aRGB fans
Цената на оваа конфигурација е 138.500 денари. Оваа конфигурација е наменета за гејминг на FHD резолуција со многу високо ниво на детали и многу фрејмови во секунда за да исполнат еден 240Hz монитор.
Ентузијастичка гејминг конфигурација 2
- Матична плоча: Матична плоча: Asus X570-Plus TUF Gaming
- Процесор: Ryzen 9 5800X
- Ладење за процесор: NZXT Kraken X53 AIO
- RAM меморија: 32GB 2x Geil EVO X II 16GB DDR4-3200 CL16 RGB AMD Ryzen Edition
- Графичка картичка: Asus GTX 3080 TUF V2 OC LHR
- SSD: Silicon Power US70 1TB NVMe PCI-e 4.0
- HDD: Toshiba P300 2TB SATA
- Напојување: NZXT C750 750W 80+ Gold Full Modular
- Куќиште: Asus TUF GT501
Цената на оваа конфигурација е 183.000 денари. Оваа конфигурација е наменета за гејминг на FHD резолуција со максимално детали и/или 240+ фрејмови во секунда. Покрај тоа е кадарна да се справи со современите игри на QHD резолуција (2560х1440) со средни/високи сетинзи на графиката и солиден фрејмрејт. Препорака за FHD монитор за оваа конфигурација е:
- Asus ROG Swift PG259QN 25″ FHD 360Hz 1ms IPS G-Sync = 45000 денари
- Asus ROG Swift PG279QE 27″ QHD 165Hz 4ms IPS G-Sync = 40000 денари
Ентузијастичка гејминг конфигурација 3
- Mатична плоча: MSI Z490 Tomahawk
- Процесор: Core i9 11900F
- Ладење за процесор: NZXT Kraken X73
- RAM меморија: Kingston HyperX Fury 32GB(4x8GB) DDR4-3466 CL16 RGB – 48 месеци гаранција
- Графичка картичка: MSI RTX 3080Ti Gaming X Trio 12GB
- SSD: Silicon Power US70 2TB NVMe PCI-e 4.0 – 24 месеци гаранција
- HDD: Toshiba P300 4TB
- Напојување: NZXT C850 850W 80+ Gold Full Modular – 24 месеци гаранција
- Куќиште: NZXT H710i Black/White
Цената на оваа конфигурација е 229.000 денари. Оваа конфигурација е наменета за гејминг на QHD резолуција со високо/многу високо ниво детали и 144+ фрејмови во секунда. Покрај тоа е кадарна да се справи со современите игри на 4K резолуција (3840х2160) со средни/високи сетинзи на графиката и прифатлив фрејмрејт.
Оваа конфигурација нуди скоро максимум гејминг перформанси кои што во овој момент може да се добијат од постоечкиот хардвер на QHD/4K резолуција. За максимални перформанси е потребна графичка картичка RTX 3090 која има маргинално помоќен чип (4.3%) и двојно повеќе и маргинално побрз(2.5%) video RAM. Во пракса RTX3090 е 2-4% побрза од RTX3080TI, а цената на конфигурацијата со 3090 наместо 3080I ќе се зголеми за над 40000 денари. Покрај графичката картичка, постојат и помоќни и поскапи процесори, но и тие практично не играат никаква улога на гејминг перформансите на QHD/4K резолуција.
Препорачани монитори за оваа конфигурација се претходно споменатите два Asus ROG Swift FHD со 360Hz и QHD со 165Hz, но и следниве два модели со највисоки спецификации за IPS гејминг монитори со WQHD+ резолуција(3840х1600):
- LG UltraGear 38GL950G 38″ WQHD+ 175Hz 1ms Nano IPS = 95.000 денари
- Dell Alienware AW3821DW 38″ WQHD+ 144Hz 1ms Nano IPS = 90.000 денари
A што ако буџетот не ни е ограничен? Па тогаш ќе се опуштиме со high-end гејминг конфигурација. Високата класа значи најдоброто што може да се купи, односно да се нарача и да стигне (некогаш) кај нас. Кога во моментов би ја имал таа слобода и можност да си склопам хај-енд гејминг конфигурација машината би ми изгледала вака:
- Матична плоча: Asus Z690 Extreme WiFi
- Процесор: Core i9 12900K
- Ладење за процесор: Asus ROG RYUJIN 360
- RAM меморија: G.SKill TridentZ 64GB(4x16GB) DDR5-6000 CL40 RGB
- Графичка картичка: Asus ROG Strix RTX 3090 24GB OC
- SSD: 2x Sabrent Rocket Plus 4TB NVMe 4.0 @RAID 0
- Напојување: Asus ROG Thor 1200W 80+ Platinum Full Modular Digital
- Куќиште: Asus ROG Strix GX601 White RGB
Цената на оваа конфигурација е само околу 500.000 денари. А што се 500.000 денари за мераклија? :) Но, да се вратиме во реалноста, поточно во нашата реалност овде и тоа што овде може да го купиме во овој момент и што важи за high-end. Да, тоа подразбира Intel i9 12 генерација, но за жал со DDR4 бидејќи DDR5 е недостапен кај нас и ширум светот.
- Матична плоча: ASUS TUF GAMING Z690-Plus DDR4
- Процесор: Core i9 12900K
- Ладење за процесор: Asus ROG RYUJIN 360
- RAM меморија: Kingston HyperX Predator 32GB(4x8GB) DDR4-4266 CL19 RGB
- Графичка картичка: Asus ROG Strix RTX 3090 24GB OC
- SSD: Samsung 980 Pro 2TB NVMe 4.0
- SSD2: Samsung 870 QVO 4TB
- Напојување: Asus ROG Thor 850W 80+ Platinum Full Modular Digital
- Куќиште: Asus ROG Strix GX601 White RGB
Цената на оваа конфигурација е 375.000 денари. За QHD/4K гејминг оваа конфигурација ќе понуди идентични перформанси како и онаа од 500К, разлика можеби ќе се осети доколку играме на Full HD резолуција. Но, кој би купил ваква машина за да игра на Full HD? (па макар и на 360Hz монитор)
Препорачани монитори за оваа конфигурација се споменати погоре кај ентузијастичките конфигурации.
Workstation компјутери
Самото име појаснува, тоа се компјутери кои служат за работа со програми кои вршат многу пресметки и имаат големи хардверски побарувања. Во зависност од намената тие можат да имаат моќен процесор, моќна графичка картичка, многу RAM меморија, повеќе единици за чување на податоци и слично. Затоа ќе предложам по неколку конфигурации за трите најчести намени, а тоа се CAD/CAM дизајн, 3D рендерирање и едитирање на видеа.
Работа со CAD/CAM софтвер (Autocad, Solidworks, Fusion360 и др.)
Нискобуџетна варијанта
- Матична плоча: Asus H510M-K
- Процесор: Core i5 10100F
- RAM меморија: 16GB 2x Kingston HyperX Fury Black 8GB DDR4-2667 CL16
- Графичка картичка: Asus GTX 1050Ti Cerberus 4GB
- SSD: A-Data SU630 240GB SATA
- HDD: Western Digital Caviar Blue 1TB
- Куќиште: PowerBox SY-133C + 120mm fan
- Напојување: 200W реална моќност, вградено заедно со куќиштето
Цената на оваа конфигурација е 34500 денари.
Mid-range варијанта
- Матична плоча: Asus B550M-K
- Процесор: Ryzen 5 5600X
- Ладење за процесор: BeQuiet Pure Rock Slim 2
- RAM: Kingston HyperX Fury Black 32GB(2x16GB) DDR4-3200
- Графичка картичка: Asus GTX 1650 TUF OC 4GB
- SSD: Samsung 980 Pro 500GB NVMe PCI-e 4.0
- HDD: Western Digital Caviar Blue 1TB
- Куќиште: Modecom Oberon PRO LE + 120mm fan
- Напојување: nJoy! Ayrus 500W 80+
Цената на оваа конфигурација е 70.000 денари.
High-end варијанта
- Матична плоча: ASUS X570-Plus TUF Gaming
- Процесор: Ryzen 9 5900X
- Ладење за процесор: NZXT Kraken X53 AIO
- RAM меморија: 64GB 2x Kingston HyperX Fury 32GB DDR4-3200 CL16
- Графичка картичка: Asus GTX 1660TI TUF 6GB OC
- SSD: Samsung 980 Pro 1TB NVMe PCI-e 4.0
- SSD2: Samsung 870 QVO 4TB SATA
- Напојување: NZXT C650 650W 80+ Gold Full Modular
- Куќиште: NZXT H510
Цената на оваа конфигурација е 168.000 денари.
Сакам да нагласам дека погоре предложените се конфигурации кои пред се наменети за домашни корисници кои се занимаваат аматерски или полупрофесионално. За професионално работење мноштво софтвери наметнуваат потреба од користење на nVidia Quadro графички картички кои се драматично поскапи(чинат илјадници евра) од соодветно моќните nVidia GeForce. Во тој случај треба детално да ги проверите потребите и можностите на конкретните софтвери кои ги користите па дури потоа да направи соодветен избор на Quadro графичка картичка.
3D render
Во зависност од енџинот кој ќе го користите може да имате потреба од процесор, графичка картичка или и двете. Кои ресурси ги користи енџинот на софтверот кој го користите за рендер можете да проверите на овој сајт: https://all3dp.com/1/best-3d-rendering-software/
Нискобуџетна конфигурација за CPU рендер
- Матична плоча: MSI B450 Tomahawk MAX
- Процесор: Ryzen 7 2700 tray
- Ладење за процесор: BeQuiet Pure Rock Slim 2
- RAM: Kingston HyperX Fury Black 32GB(2x16GB) DDR4-3200
- Графичка картичка: MSI GT 1030 2GB
- SSD: A-Data SU630 240GB SATA
- HDD: Western Digital Caviar Blue 1TB
- Куќиште: Modecom Oberon PRO LE + 120mm fan
- Напојување: nJoy! Ayrus 500W 80+
Цената на оваа конфигурација е 42.000 денари.
Mid-range конфигурација за CPU рендер
- Матична плоча: Asus TUF GAMING B550-PLUS
- Процесор: Ryzen 9 5900X
- Ладење за процесор: NZXT Kraken X53 AIO
- RAM меморија: 64GB (2x32GB) Kingston HyperX Fury DDR4-3200 CL16
- Графичка картичка: Asus GTX 1050TI Cerberus 4GB OC
- SSD: Samsung 980 500GB NVMe PCI-e 3.0
- HDD: Toshiba P300 2TB SATA
- Напојување: NZXT C650 650W 80+ Gold Full Modular
- Куќиште: NZXT H510
Цената на оваа конфигурација е 103.000 денари.
Highend конфигурациja за CPU рендер
- Матична плоча: ASUS X570-Plus TUF Gaming
- Процесор: Ryzen 9 5950X
- Ладење за процесор: NZXT Kraken X53 AIO
- RAM меморија: 64GB (2x32GB) Kingston HyperX Fury DDR4-3200 CL16
- Графичка картичка: Asus GTX 1650 TUF OC 4GB
- SSD: Samsung 980 Pro 1TB NVMe PCI-e 4.0
- HDD: Toshiba P300 2TB SATA
- Напојување: NZXT C650 650W 80+ Gold Full Modular
- Куќиште: NZXT H510
Цената на оваа конфигурација е 146.000 денари.
Low-budget конфигурација за GPU рендер
- Матична плоча: Asus H510M-K
- Процесор: Core i5 10100F
- RAM меморија: 16GB 2x8GB Kingston HyperX Fury Black DDR4-2667 CL16
- Графичка картичка: Asus GTX 1660TI TUF 6GB OC
- SSD: A-Data SU630 240GB SATA
- HDD: Western Digital Caviar Blue 1TB
- Куќиште: Modecom Oberon PRO LE + 120mm fan
- Напојување: nJoy! Ayrus 500W 80+
Цената на оваа конфигурација е 61.500 денари.
Mid-range конфигурација за GPU рендер
- Матична плоча: Gigabyte B510M-S2H
- Процесор: Core i5 10400F
- RAM меморија: 32GB 2x16GB Kingston HyperX Fury Black DDR4-2667 CL16
- Графичка картичка: Gigabyte GTX 3060 Gaming 12GB LHR
- SSD: Samsung 980 500GB NVMe PCI-e 3.0
- HDD: Western Digital Caviar Blue 1TB
- Куќиште: Modecom Oberon PRO LE + 120mm fan
- Напојување: nJoy! Ayrus 500W 80+
Цената на оваа конфигурација е 81.000 денари.
Во однос на lowbudget GPU рендер конфигурацијата оваа конфигурација има 50% помоќна графичка картичка со двојно поголем frame buffer(12GB vs 6GB) што значи дека може да обработува двојно покомплексни сцени, како и ray tracing хардвер кој е подржан од повеќе енџини.
High-end конфигурација за GPU рендер
- Матична плоча: Asus TUF GAMING B550-PLUS
- Процесор: Ryzen 5 5600X
- Ладење за процесор: BeQuiet Pure Rock Slim 2
- RAM: Kingston HyperX Fury Black 64GB(2x32GB) DDR4-3200 CL16
- Графичка картичка: Asus RTX 3090 TUF 24GB OC
- SSD: Samsung 980 Pro 1TB NVMe PCI-e 4.0
- HDD: Western Digital Caviar Blue 2TB
- Куќиште: NZXT H710
- Напојување: NZXT C850 850W 80+ Gold Full Modular
Цената на оваа конфигурација е 275.000 денари.
Aко немате потреба од рендер на големи сцени, т.е. ако немате потреба за повеќе од 12GB видео фрејм бафер тогаш истава конфигурација можете да ја склопите и со RTX 3080TI графичка картичка како и со 2x16GB наместо 2x32GB RAM меморијa. Со тоа ќе заштедите околу 64000 денари, а притоа ќе имате идентични перформанси. Ако барате и чекор подолу во цената и перформансите, тогаш со RTX 3080 10GB наместо RTX 3090 24GB и 2x16GB RAM наместо 2x32GB ќе заштедите вкупно 100000 денари, а ќе изгубите околу 20% перформанси.
Доколку користите софтвер кој врши рендер и на CPU-то и на GPU-то тогаш ќе треба внимателно да ги проучите можностите и потребите за CPU и GPU од истиот и врз основа на тоа да направите баланс помеѓу избраните компонентите во рамки на буџетот. Давањето општа препорака за ваквото сценарио може да доведе до погрешен избор на компоненти. Единствено би дал само препорака за high-end варијантата каде се користат максимални спецификации и за двете битни компоненти CPU и GPU.
Highend CPU+GPU render конфигурација
- Матична плоча: ASUS X570-Plus TUF Gaming
- Процесор: Ryzen 9 5950X
- Ладење за процесор: NZXT Kraken X73 AIO
- RAM: Kingston HyperX Fury Black 128GB(4x32GB) DDR4-3200 CL16
- Графичка картичка: Asus RTX 3090 TUF 24GB OC
- SSD: Samsung 980 Pro 1TB NVMe PCI-e 4.0
- SSD2: Samsung 870 QVO 4TB SATA
- Куќиште: NZXT H710
- Напојување: NZXT C850 850W 80+ Gold Full Modular
Цената на оваа конфигурација е 353.000 денари.
Видео продукција и едитирање
Видео едитирањето опфаќа експлоатација на процесорот, на графичката картичка и на RAM меморијата, но бара да имате и засебни SSD-а за оперативен систем и scratch.
Нискобуџетна конфигурација за едитирање на видео
- Матична плоча: Asrock B450M-HDV
- Процесор: Ryzen 5 1600 AF
- RAM: Kingston HyperX Fury Black 32GB(2x16GB) DDR4-3200
- Графичка картичка: Asus GTX 1660TI TUF 6GB OC
- SSD: A-Data SU630 240GB SATA
- SSD2: Samsung 870 EVO 500GB SATA
- HDD: Toshiba P300 2TB SATA
- Куќиште: Modecom Oberon PRO LE + 120mm fan
- Напојување: nJoy! Ayrus 500W 80+
Цената на оваа конфигурација е 42.000 денари.
Midrange конфигурација за едитирање на видео
- Матична плоча: Gigabyte B550M-DS3H
- Процесор: Ryzen 9 5800X
- Ладење за процесор: NZXT Kraken X53 AIO
- RAM меморија: 64GB (2x32GB) Kingston HyperX Fury DDR4-3200 CL16
- Графичка картичка: Gigabyte GTX 3060 Gaming 12GB LHR
- SSD: Samsung 980 500GB NVMe PCI-e 3.0
- SSD2: Samsung 870 EVO 500GB
- HDD: Toshiba P300 2TB SATA
- Напојување: NZXT C650 650W 80+ Gold Full Modular
- Куќиште: NZXT H510
Цената на оваа конфигурација е 132.000 денари.
Highend конфигурациja за едитирање на видео
- Матична плоча: ASUS X570-Plus TUF Gaming
- Процесор: Ryzen 9 5950X
- Ладење за процесор: NZXT Kraken X73 AIO
- RAM: Kingston HyperX Fury Black 128GB(4x32GB) DDR4-3200 CL16
- Графичка картичка: Asus RTX 3080TI TUF 12GB OC
- SSD: Samsung 980 Pro 1TB NVMe PCI-e 4.0
- SSD2: Samsung 870 EVO 2TB SATA
- HDD: Toshiba P300 4TB SATA
- Куќиште: NZXT H710
- Напојување: NZXT C850 850W 80+ Gold Full Modular
Цената на оваа конфигурација е 300.000 денари.
Секако дека постојат и многу други намени на workstation компјутерите, но и компјутерите генерално. Во оваа статија сметам дека се опфатени најголемиот број можни сценарија при купување на нов компјутер. Компонентите од предложените конфигурации се избрани така што е направен баланс за да се добие што е можно подобри перформанси за избраните компоненти. Истите во моментов се наоѓаат на нашиот пазар. Цените за предложените конфигурации се моментални, а тоа значи дека во блиска и далечна иднина можат, а и сигурно ќе бидат променети, но тоа не би требало да ја смени генералната препорака. Ќе ми биде драго доколку некому помогнам да направи оптимален избор на конфигурација за својот нов компјутер.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
81 коментари
Loading new replies...
Asus H510
Core i5 10100F
- RAM меморија: 16GB 2x Kingston HyperX Fury Black 8GB DDR4-2667 CL16
- Графичка картичка: Asus GTX 1650 TUF OC 4GB
- SSD: A-Data SU630 240GB SATA
- HDD: Western Digital Caviar Blue 1TB
- Куќиште: PowerBox SY-133C + 120mm fan
- Напојување: 200W реална моќност, вградено заедно со куќиштето
Цената на оваа конфигурација е 39.000 денари ???
дали ова вградено напојување од 200w e доволнo за овој компјутер? Или онака е трефнато колку да падне цената. Да не прочури за недела дена.
Како и да е. Дали ти го имаш овој компјутер по оваа цена да речеме утре?
Бидејќи некако прениска ми е цената. Како што рачунав испаѓа 47000 денари по другиве места.
Супер напис, бескрајно поинтересно од тракаташки други што се пишувани, од друга страна пак ми се допаѓа што gOJDO пишал за ствари што ги има тука. Е сега мене највеќе ме заинтересира изборот на SSD А-Data SU630 (ваљда и SU650). Имено се работи за многу пристојно ценовно позициониран диск кој би можел многу да значи за офис работници и слично. Јас секогаш сум одел на Самсунг варијанта за што помирна глава, особено читајќи ги хорор приказните за Кингстон А400.
Оттаму и моето прашање. Дали SU630 и SU650 важат за reliable (надежни) дикови за нормална употреба? Под нормална подразбирам читање и запишување 10 години во офис околина како основен диск, со смешна запишливост годишно. Дали SU800 за ситна доплата е пологичен заради рамот? Или сепак Samsung?
Ова е многу важна работа за офис конфигурации ако е ваква работата.
Asus H510
Core i5 10100F
- RAM меморија: 16GB 2x Kingston HyperX Fury Black 8GB DDR4-2667 CL16
- Графичка картичка: Asus GTX 1650 TUF OC 4GB
- SSD: A-Data SU630 240GB SATA
- HDD: Western Digital Caviar Blue 1TB
- Куќиште: PowerBox SY-133C + 120mm fan
- Напојување: 200W реална моќност, вградено заедно со куќиштето
Цената на оваа конфигурација е 39.000 денари ???
дали ова вградено напојување од 200w e доволнo за овој компјутер? Или онака е трефнато колку да падне цената. Да не прочури за недела дена.
Како и да е. Дали ти го имаш овој компјутер по оваа цена да речеме утре?
Бидејќи некако прениска ми е цената. Како што рачунав испаѓа 47000 денари по другиве места.
за 500 ден има 700 ватно во анхоч и нема гајле, иначе имаше гојдо вакви по 38890 ден до пред 20 мин
Конечно го добивме она што со години го мантравме за конфигурации, имам една забелешка за премногу релативно неквалитетни делови во конфигурациите. Јасно ми е дека тоа се троши ама дека се препорачува истото, малку ми е навредливо.
Едит. Воедно има една мала грешка i5 10100F е најверојатно i3.
