години. 
Франција сака да го забрани користењето на фосилни горива во 2040 година. Ова значи дека сите возила на улиците во Франција ќе мора да бидат со електричен или некој друг чист погон.
Планот на новиот претседател Имануел Макрон е Франција до 2050 година да биде јаглерод неутрална, јави Independent. Франција има повеќе производители на возила. Renault, Citroen и Peugeot се дел од француските производители погодени од промените.
Франција до 2022 година ќе престане да користи јаглен за производство на електрична енергија. Ова и не е преголем предизвик со оглед на тоа дека во 2015 година само 2.2% од енергијата во Франција се произведува со јаглен. До 2025 година производството на електрична енергија од нуклеарна енергија треба да се намали на половина од целокупното производство.
Што се однесува до преминот, Франција ќе донесе преоден закон со кој ќе биде олеснета замената на постарите возила. Ова ќе помогне за поевтина замена на старите возила кои повеќе загадуваат, со нови почисти возила.
Целиот план е дел од претходниот договор за намалувањето на CO2. Неодамна САД се повлекоа од Парискиот договор.
[…] По Франција, и Велика Британија најавува дека ќе забрани продажба на возилата со внатрешно согорување до 2040 година. На почетокот на месецот истото го најави и Франција. […]