„ВАТРЕНИ“ е крипто токен на Фудбалската репрезентација на Хрватска

Хрватската фудбалска репрезентација на 20 јануари ќе го издаде својот крипто токен – „VATRENI“ (ВАТРЕНИ). Токенот е изработен во соработка со две локални компании AMPNet и Biznisport. Со токенот навивачите на Хрватска ќе можат директно да учествуваат во некои одлуки на Фудбалската федерација на Хрватска.

Името на токенот доаѓа од еден од прекарите кои ги има хрватската репрезентација. Планирано е да се издадат вкупно 30 милиони токени. Во првата понуда ќе излезе помал дел на токени кои ќе се продаваат по промотивна цена од 0.9 долари, 10% пониска од планираната. Минималниот влог за раните поддржувачи е 500 долари. Продажбата на токенот ќе започне следната недела, а веќе има листа на чекање, во која може да се запишат заинтересираните.

Дел од предностите кои ќе ги имаат сопствениците на токени се: учество во носење на некои одлуки, предност на купување на билети за натпревари, право на купување на ексклузивни производи. Токените во иднина ќе можат да се искористат и за плаќање на 200 локации. Ланецот на маркети Конзум, кој прв ги прифати криптовалутите како платежно средство е една од овие локации. Дополнително токенот ќе може да се користи во сите продажни места кои ја користат Paycek апликацијата. Дел од продавниците се Fervi, Ulaznice.hr, Football Mania, Santa Dominica, Хрватска пошта.

„Ѝ се заблагодарувам на Фудбалска федерација на Хрватската на соработката и заедничката желба со loyalty-токенот ВАТРЕНИ да им овозможиме на сите навивачи на хрватската фудбалска репрезентација уште подобро искуство. Со поддршка на ФФХ и интеграција на технологијата од AMPnet и партнерите Biznisport, сопствениците на токените ќе можат да учествуваат во носење на одредени одлуки; ќе имаат предност при купување на билети за натпревари; и попусти кај партнерите на ФФХ. Ќе имаат и можност да освојат, заработат или купат ексклузивни производи кои не се достапни никаде на друго место. Покрај ова токенот ќе може да се користи и за плаќање, бидејќи е компатибилен со Paycek апликацијата на Eletrocoin. Ќе може да се користи на повеќе од 200 локации како Конзум, Ферви, порталот Ulaznice.hr, Футбал манија, Санкта Доминика, Хрватска пошта и други“, вели извршниот директор на AMPnet, Мислав Јавор.

Што со токените

„ВАТРЕНИ“ е таканаречен loyalty крипто-токен. Како и останатите дигитални криптовалути, неговата цена ќе расте и ќе паѓа во зависност од понудата и побарувачката. Loyalty-токените може да се користат и за плаќање, но и за гласање, и нудат дополнителни предности. Дел од предностите се пристап до определени производи или услуги ексклузивно на сопственици на определен број токени.

Луѓето кои поседуваат токени ќе можат да гласаат при изборот на дизајнот на дресови на репрезентацијата или стадиони на кои ќе настапува репрезентацијата. Кај ексклузивните понуди токените ќе може да се заменат за некои предмети или ВИП искуство. На пример потпишани дресови од репрезентативците или посети на тренинзи на репрезентацијата.

Издавањето на токените ќе биде етапно во период од 4 години и ќе трае се додека не се издадат сите токени. Откако ќе започне продажбата токените ќе бидат достапни за размена со други криптовалути во менувачницата Uniswap.

Во почеток плаќањето на продажни места нема да биде овозможено. Оваа функционалност доаѓа на крајот на април, кога сите кои купиле токени во претпродажба или претпродажба ќе може да го користат „ВАТРЕНИ“-токенот за плаќање.

„Ватрени“ не се единствените кои користат крипто-токен

Веќе неколку години најголемите фудбалски клубови на своите поддржувачи преку loyalty-токени им овозможуваат да бидат подиректно вклучени во одлуките на клубот. Досега поволностите кои ги претстави ФФХ се слични на оние кои ги нудат и другите клубови.

До декември 2021-ва во петте најголеми фудбалски лиги во Европа, 24 клубови веќе имаат сопствени токени. Некои се loyalty-токени, а некои клубови имаат и NFT токени кои се користат за дигитални колекции. Досега, над 350 милиони долари се потрошени на овие фудбалски токени, вели BBC.

Бројот на клубови кои веќе имаат или најавиле дека ќе ги користат овие токени не е мал: Париз Сен Жермен, Арсенал, Астон Вила, Манчестер Сити, Барселона, Интер Милан.

Во август 2021 година Лионел Меси како дел од бонусите во договорот со Парис Сен Жермен доби неколку милиони во криптовалутата на клубот $PSG.

Најголема заработка од тргување – 130 милиони долари имаат токените на италијанскиот фудбалски клуб Лацио. Најмногу продажба пак имаат токените на Манчестер Сити, Порто и Сантош.

Интересно токените на Манчестер Сити и Лацио имаат и најголем пад од почетокот на продажбата, 50% и 70%. Токените на Интер и Трабзонспор во 2021 пораснале повеќе од биткоин.

Добивај известувања
Извести ме за
guest
0 Коментари
Inline Feedbacks
View all comments
види ги сите огласи на kariera.it.mk