Додека во текот на вчерашниот ден голем дел од корисниците имаа проблеми со веб верзијата на Twitter и се жалеа за истото, Twitter во позадина работеше на новиот изглед на кој се прикажуваат дискусиите помеѓу корисниците. Дополнително, направени се промени и во iOS и Android апликациите.
Со новата промена, според Twitter, би требало многу полесно да се следат целите дискусии кои се одвиваат на корисничкиот тајмлајн. Стандардно се прикажуваат одговорите од сите луѓе што вие ги следите, додека доколку сакате да ги видите одговорите и од корисниците што не ги следите, ќе морате да кликнете на „x more replies“ веднаш под првиот твит.
Што се однесува до мобилната апликација, корисниците на iOS ќе може твитовите да ги споделуваат преку мејл, а на Android истите ќе може да бидат споделувани и во директните пораки.
[youtube]http://www.youtube.com/watch?v=BnRmayAuB4M[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
