Сигурно постои голем број на апликации за уредување на фотографии на Google Play, но Repix, од претходно достапна за iOS, а сега и за Android, се издвојува од толпата бидејќи нуди уникатни и кул алатки за уредува на фотографиите. Поради ова може да очекуваме Repix да стане еден од водечките едиторит во таа област на Google Play, иако конкуренцијата е сериозна.
Repix сè уште има работи за развивање, но сепак, исто како и кај iOS верзијата, нуди одличен простор за работа и начини за подобрување на вашите фотографии. Во моментот апликацијата брои 30 четки, 16 филтри и 17 различни рамки, како и опции за менување на светлината на фотографијата, контрастот и слично. Откако ќе ја стартувате апликацијата ќе бидете запознаени со опциите на Repix, а од менито кое се лизга од левата страна ќе можете да вчитате фотографија од вашата галерија или да сликате во моментот. Откако ќе биде вчитана вашата фотографија, вие ќе можете да започнете со уредување на истата. Repix нуди поставување на филтри на само одредени делови од фотографијата.
Repix е бесплатна и можете да ја преземете од Google Play. Дополнително, некои четки се плаќаат, па така за цена од 0,99 до 1,99 долари можете да купете некои од нив, или пак за 5,99 долари да го имате целиот пакет. iOS апликацијата можете да ја преземете од овде.
[youtube]lU1cwUnMSpM[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
