Тwitter реши да ја прекине поддршката за TweetDeck на неколку различни платформи со цел да ги натера корисниците да ја користат веб-базирана верзија на клиентот која e „брза и богата со функционалности“ и Chrome апликација која нуди нотификации.
ТweetDeck, кој беше купен од Twitter за 40 милиони долари во 2011-та година, сега ќе биде достапен на веб, за Mаc и за PC-ja. Интересно е што Twitter ја прекинува поддршката за AIR верзијата која се користеше на десктоп, но можно е да се решиле на таков чекор бидејќи тој клиент беше спор и заземаше премногу ресурси. Исто така, TweetDeck нема веќе да има интеграција со Facebook.
„На многу начини, форсирањето на веб искуството на TweetDeck и прекинувањето на поддршката за апликации е рефлекција на навиките на корисниците на TweetDeck. Во последните неколку години видовме постојан тренд кај луѓето кои користат TweetDеck на своите компјутер, и Twitter на своите мобилни апликации. Овој тренд се совпаѓа со претставувањето на Twitter за Android и Twitter за iPhone…“, вели друштвената мрежа на својот блог.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
