Tumblr стигна до бројката од 100 милиони блогови

Познатиот блог сервис Tumblr овие денови ја надмина бројката од 100 милиони блогови на кои досега се објавени преку 44,6 милијарди блог написи. Ова е доста брз раст, со оглед на тоа дека минатата година во април сервисот имал 50 милиони корисници, а до бројката од 93 милиони стигна на 2 март.

За овој раст да ја добие својата целина, потребно е и вреди да се напомени дека само во текот на вчерашниот ден на Tumblr биле објавени повеќе од 82,6 милиони блог написи. Најголем број од корисниците доаѓаат од САД, додека бројката во последните година време се зголемува и кај нас.