Time.mk сега ги агрегира сите локални Facebook настани

Откако не успеа првичниот обид да ги агрегира локалните настани со помош на организаторите, Time.mk се реши да го искористи најдоброто решение што го има – Facebook. Друштвената мрежа е фантастична платформа за откривање на настаните кои се блиску до вас и кои ги посетуваат вашите пријатели, и Time.mk како агрегатор требаше само да најде начин како автоматски да ги извлече сите Facebook настани што се случуваат во Македонија.

„Старата верзија не се користеше доволно. Колку што имаше посети во првиот месец, толку имаше и скоро пет години подоцна. Неколку илјади посети дневно. Сигурен сум дека причината беше што ги немаше сите настани на едно место, а тоа беше така поради тоа што организаторите не ги внесуваа во системот, туку за промоција на своите настани го користат Facebook“, вели Игор Трајковски, основачот на Time.mk.

Сега на Time.mk/Nastani се листаат сите локални настани објавени на друштвена мрежа, вклучувајќи ја локацијата каде се одржува и бројот на луѓето што се пријавиле дека ќе одат. Time.mk ги пребарува и агрегира настаните кои се објавени на македонска локација, и ги агрегира сите што се јавни.

Но, тоа што недостасува e што Time.mk не е Facebook. Така, не може да видите кои ваши пријатели ќе одат на настан, ниту ќе може да се пријавите за настанот. За да ги откриете тие детали ќе треба да кликнете на линкот за да се отвори Facebook страната на настанот. Најавена е и нова мобилна апликација за настаните.

timemk

Добивај известувања
Извести ме за
guest
1 Коментар
Најнови
Најстари Со највеќе гласови
Inline Feedbacks
View all comments
trackback

[…] дека Time.mk воведе интересна новина да агрегира Facebook настани, но сега оди еден чекор понатаму да го привлече […]

види ги сите огласи на kariera.it.mk