Автомобил Tesla се судри со паркирано полициско возило. Сообраќајната незгода се случила додека возилото возело автономно. За среќа никој не бил во полициското возило во моментот на несреќата. „Возачот“ на Tesla помина со полесни повреди, јави BBC.
Главната причина поради која овие незгоди се случуваат е што оваа технологија е сè уште во тест фаза. Но, сопствениците на возилата не ги следат предупредувањата и упатствата од производителот, дека мора да внимаваат и да преземат контрола врз возилото ако тоа е потребно. Наместо ова, прават нешто што им го одзема вниманието и има нескани последици.
Сепак и со вакво однесување на возачите, автономните возила се далеку побезбедни од луѓето во сообраќајот. За жал, вестите во кои автономните возила ги спасуваат луѓето не се интересни па никој не пишува за нив.
This morning a Tesla sedan driving outbound Laguna Canyon Road in “autopilot” collides with a parked @LagunaBeachPD unit. Officer was not in the unit at the time of the crash and minor injuries were sustained to the Tesla driver. #lagunabeach #police #tesla pic.twitter.com/7sAs8VgVQ3
— Laguna Beach PD PIO (@LBPD_PIO_45) May 29, 2018
Сепак имаше и добри вести за Tesla. Компанијата по неколку дена „бојкот“ од Consumer Reports доби зелено светло. Иако пред една недела автомобилот беше оценет како полош од просекот, сега веќе доби позитивна оценка.
Интересно, подобрувањето на оценката доаѓа главно поради автоматската функционалност за забавување на возилото. Компанијата го имплементираше забавувањето и на автопат, и со тоа значително се скуси патот потребен за запирање.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
